Moskva vilayətinin Arbitraj Məhkəməsi AST Şirkətlər qrupunun təsisçisi, biznesmen Telman İsmayılovu müflis elan edib.
Oxu.Az-ın xəbərinə görə, bu barədə RİA Novosti nəşrinin müxbiri məhkəmə zalından məlumat verib.
Məhkəmə məşhur iş adamının əmlakının satışa çıxarılması proseduruna start verib.
Qeyd edək ki, son illər Azərbaycan əsilli milyarderin işləri heç də yaxşı getmir.
“AST” şirkətlər qrupunun rəhbəri, eyni zamanda adı Rusiyanın ən zəngin biznesmenlərinin siyahısa daxil olan sahibkar İsmayılov ilk dəfə 2009-cu ildə kiçik topdan satış ticarət mərkəzinin paytaxtı olan Çerkizovski bazarındakı fəaliyyətinə görə, hüquq-mühafizə orqanları tərəfindən genişmiqyaslı iddialarla rastlaşıb. Bu hadisədən sonra bazar çoxsaylı pozuntuların aşkar olunduğuna görə bağlanıb.
2016-cı ilin avqust ayında Moskva bankı Arbitraj məhkəməsində Telman İsmayılovun firmasına qarşı iddia irəli sürüb. Moskva Bankı cavabdehin əmlakının həbsi barəsində də məhkəməyə ərizə versə də, amma iddiaçının bu xahişi təmin edilməyib. Söhbət Telman İsmayılovun rəhbərlik etdiyi “AST” şirkətlər qrupundan Moskva Bankının 213 milyon dollarının geri alınmasından gedib.
İsmayılov Telman Mərdan oğlu 1956-cı ildə Bakıda anadan olub. Həyatının çox hissəsini Rusiyada keçirən Telman hazırda Türkiyədə yaşayır. O, Türkiyənin Antalya şəhərində beş ulduzlu “Mardan Palace” adlı otel inşa etdirib, İsrailin Akko şəhərində atasının adına sinaqoq tikdirib.
Rusiya Prezidenti Vladimir Putin İranın xarici işlər naziri Abbas Əraqçi ilə görüşündə İslam Respublikasının ali lideri Əli Xameniyə məktub göndərib.
Kolumbiyanın şimalında Arauka departamentində yerləşən ən böyük neft kəmərlərindən biri hücuma məruz qalıb.
ABŞ-nin Yəmən ərazisinə endirdiyi hava zərbələri nəticəsində azı 38 nəfər həlak olub, daha 102 nəfər yaralanıb.
