"Talassemiya xəstəliyi cənub bölgəsində, Şəki-Qəbələ zonasında özünü daha çox göstərir".
Bunu "Report"a açıqlamasında Respublika Talassemiya Mərkəzinin direktoru Ceyhun Məmmədov deyib.
Onun sözlərinə görə, xəstəliyin qeyd olunan bölgələrdə yayılmasını qohum nikahların çox olması ilə əlaqələndirmək mümkündür: "Azərbaycanın hər bir bölgəsində bu xəstəliyə rast gəlmək mümkündür. Talassemiya irsi xəstəlikdir. Bu, sonradan qazanılan və ya hər hansı virus infeksiyası ilə bağlı deyil. Cənub bölgəsində, Şəki və Qəbələ zonasında daha geniş yayılması isə yəqin ki, qohum nikahların sayının çox olması ilə əlaqədardır".
Mərkəzin direktoru bildirib ki, hazırda gənclərin nikahdan öncə müayinədən keçməsinin qan xəstəliklərinin azalmasına təsirini yalnız 7-10 ildən sonra müşahidə etmək mümkün olacaq: "2015-ci ilin iyun ayından ailə həyatı quran cütlüklərin nikahdan öncə müayinəsi nəticəsində hər ikisi talassemiya daşıyıcısı olan 32-i cütlükdən ancaq ikisi evlənməkdən imtina edib. Daşıyıcı olan ailələrə isə hamilə vaxtı perinatal diaqnostikadan keçmələrini tövsiyə edirik. Bununla ana bətnində olan dölün xəstə və sağlam olması müəyyən edilir. Uşaq xəstə olarsa, yenə də son qərarı valideynlər verir".
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
