Sulutəpə qəsəbəsində yerüstü piyada keçidi inşa olunur

Sulutəpə qəsəbəsində yerüstü piyada keçidi inşa olunur
14 Dek 2016 17:02

Bakı-Şamaxı avtomobil yolunun 12,8-ci kilometrində Binəqədi rayonu Sulutəpə qəsəbəsi ərazisində yeni yerüstü piyada keçidinin inşası işlərinə başlanılıb.

Bu barədə AZƏRTAC-a tikinti işlərini həyata keçirən “Azəravtoyol”un mətbuat xidmətindən bildirilib.

Sözügedən keçid Prezident İlham Əliyevin piyadaların avtomobil yollarını rahat və təhlükəsiz şəkildə keçməsini təmin etmək istiqamətində verdiyi göstəriş və tapşırıqlarına əsasən inşa olunur.

Aşırım və pilləkən hissəsi metal konstruksiyalı olacaq piyada keçidi avtonəqliyyat vasitələrinin və piyadaların intensiv hərəkət etdiyi ərazidə inşa edilir. Məqsəd həm piyadaların rahat və təhlükəsiz şəraitdə avtomobil yollarını keçməsini təmin etmək, həm də avtonəqliyyat vasitələrinin fasiləsiz və maneəsiz hərəkətini təşkil etməkdir.

Yüngül konstruksiyalı piyada keçidi 1 aşırımlı (orta dayaqsız) və üstü açıq olacaq. Layihəyə uyğun olaraq keçidin uzunluğu 50 metr təşkil edəcək. Pilləkən hissələr də daxil olmaqla qalereyasının ümumi uzunluğu 64,75 metr, eni isə 3 metr olacaq. Keçidin yol səthindən hündürlüyü 5,5 metr olması nəzərdə tutulub.

Keçiddə fiziki qüsurlu insanların hərəkəti üçün panduslar da quraşdırılacaq.


17 Fev 2020
İqtisadiyyat

Manatın MƏZƏNNƏSİ

Azərbaycan Mərkəzi Bankı 17 fevral tarixindən etibarən valyuta məzənnələrini açıqlayıb.

14 Fev 2020
İqtisadiyyat

Azərbaycan xaricdən kartof idxalını dayandıra bilər

Azərbaycan daxili və xarici bazarı təmin edəcək qədər kartof istehsal etməyə qadirdir.

14 Fev 2020
İqtisadiyyat

Minimum əməkhaqqı artırılacaq — ŞAD XƏBƏR

Prezident İlham Əliyevin 13 fevral 2020-ci il tarixli Sərəncamı ilə təsdiq edilmiş “Məşğulluq Strategiyasının həyata keçirilməsinə dair 2020–2025-ci illər üçün Tədbirlər Planı” növbəti beş ildə məşğulluq sahəsində mühüm irəliləyişlərə imkan yaradır.