Bu gün Somalinin paytaxtı Moqadişo şəhərinin yaxınlığındakı hərbi hazırlıq düşərgəsinin qarşısında törədilən partlayış nəticəsində 5 əsgər həlak olub.
AZƏRTAC xəbər verir ki, Associated Press agentliyinin ordu nümayəndəsinə istinadla yaydığı məlumata görə, partlayıcı qurğunu hərbi forma geyinmiş terrorçu-kamikadze işə salıb. Yaraqlı buraxılış-nəzarət məntəqəsindən keçərək özünü hərbçilərin yanında partladıb. Partlayışın məsuliyyətini Somali hökumətinə qarşı silahlı mübarizə aparan “Aş-Şabab” terror qruplaşması üzərinə götürüb.
Bazar günü Somalinin paytaxtındakı hərbi bazanın yaxınlığında daha bir partlayış törədilmişdi. Son məlumata görə, bu hücum nəticəsində ölənlərin sayı 15 nəfərə çatıb.
Qazaxıstan prezidenti Kasım-Jomart Tokayev Boao Asiya Forumunun (BAF) 23-cü sessiyasında iştirak etmək üçün Çinə səfər edib.
ABŞ-ın Merilənd ştatının Baltimor şəhərində körpünün uçması nəticəsində 6 nəfərin öldüyü təsdiqlənib.