Rəsmi Bakı: Qırğızıstanın bu addımı təəccüb doğurur və başa düşülən deyil (YENİLƏNİB)

Rəsmi Bakı: Qırğızıstanın bu addımı təəccüb doğurur və başa düşülən deyil (YENİLƏNİB)
04 2017 12:22

Qırğızıstanın İqtisadi Əməkdaşlıq Təşkilatının (ECO) 13-cü sammitində qəbul edilmiş bəyanatın siyasi müddəalarına qoşulmaması təəccüb doğurur və başa düşülən deyil.

Trend-in məlumatına görə, bunu jurnalistlərə Azərbaycan Prezidenti Administrasiyası rəhbərinin müavini, Xarici əlaqələr şöbəsinin müadiri Novruz Məmmədov deyib.

N.Məmmədov bildirib ki, İqtisadi Əməkdaşlıq Təşkilatının (ECO) 13-cü sammitində qəbul edilmiş bəyanat Ermənistan-Azərbaycan, Dağlıq Qarabağ münaqişəsinin nizamlanması baxımından Azərbaycan üçün mühüm əhəmiyyət daşıyır:

“Üzv dövlətlərin hamısı birmənalı şəkildə bu sənədə səs verdi. Amma təəssüflər olsun ki, hansı səbəbdənsə Qırğızıstan tərəfi bu bəyanatdakı siyasi məsələlərə qoşulmaması ilə bağlı fikir irəli sürdü. Qırğızıstanın belə addım atması bir qədər başa düşülən deyil. Biz bu ölkə ilə həmişə əməkdaşlıq etmişik, indi də edirik və əməkdaşlığı davam etdirəcəyik. Müəyyən məsələlərdə yardımlarımız da olub. Bunlar barədə danışmaq istəmirəm. Amma sammitin yekun bəyanatında qeyri-adi bir şey yox idi".

PA rəsmisi əlavə edib ki, sənəddə Birləşmiş Millətlər Təşkilatının tələbləri və prinsiplərinə söykənərək münaqişələrin sülh yolu ilə, ölkələrin ərazi bütövlüyü, suverenliyi çərçivəsində, beynəlxalq hüquq norma və prinsiplərinə uyğun olaraq həlli məsələləri qeyd olunmuşdu: "Qırğızıstanın belə bir sənədə qoşulmamağı bizi bir qədər təəccübləndirdi".


19 Apr 2021
Siyasət

Heydər Əliyev Mükafatı Komissiyasının yeni tərkibi təsdiqləndi - SƏRƏNCAM

“Azərbaycan Respublikasının Heydər Əliyev Mükafatı Komissiyasının yeni tərkibinin müəyyən edilməsi haqqında” Azərbaycan Respublikası Prezidentinin 2015-ci il 8 aprel tarixli 499 nömrəli Fərmanında dəyişiklik edilib. 

19 Apr 2021
Siyasət

Prezident azad edilmiş ərazilərin su ehtiyatlarından səmərəli istifadə edilməsi məqsədilə sərəncam imzaladı

“Su ehtiyatlarından səmərəli istifadənin təmin edilməsi ilə bağlı əlavə tədbirlər haqqında” Azərbaycan Respublikası Prezidentinin 2020-ci il 27 iyul tarixli 2178 nömrəli Sərəncamında dəyişiklik edilib.

19 Apr 2021
Siyasət

İlham Əliyev üç ölkəyə səfir təyin etdi - SƏRƏNCAM

Prezident İlham Əliyev Zaur Rəşid oğlu Əhmədovun Azərbaycan Respublikasının İsveç Krallığında fövqəladə və səlahiyyətli səfiri təyin edilməsi haqqında sərəncam imzalayıb. 

19 Apr 2021
Siyasət

Anar Məhərrəmov səfir postundan geri çağırıldı - Prezidentdən yeni TƏYİNAT

Prezident İlham Əliyev Anar Abel oğlu Məhərrəmovun Azərbaycan Respublikasının İspaniya Krallığında və Andorra Knyazlığında fövqəladə və səlahiyyətli səfiri, eyni zamanda Ümumdünya Turizm Təşkilatı yanında daimi nümayəndəsi vəzifələrindən geri çağırılması haqqında sərəncam imzalayıb. 

19 Apr 2021
Siyasət

İlham Əliyev Ramiz Həsənovu vəzifəsindən azad etdi - SƏRƏNCAM

Prezident İlham Əliyev Ramiz Ayvaz oğlu Həsənovun Azərbaycan Respublikası xarici işlər nazirinin müavini vəzifəsindən azad edilməsi haqqında sərəncam imzalayıb.