Azərbaycan Milli Elmlər Akademiyası (AMEA) Radiasiya Problemləri İnstitutunun yarımkeçiricilərin radiasiya fizikası laboratoriyasının rəhbəri, professor Rəhim Mədətov “Avropa Nəşr Mətbuat Evi”nin mükafat komissiyasının qərarına əsasən “Ən yaxşı vətənpərvər tədqiqatçı alim” qızıl medalı və diplomu ilə təltif olunub.
İnstitutdan AZƏRTAC-a bildiriblər ki, alim bu mükafata ölkəmizdə istedadlı gənc alimlərin hazırlanmasında səmərəli fəaliyyətinə, radiasiya effektlərinin tədqiqi sahəsində apardığı uğurlu elmi araşdırmalarına, elmi-publisistik kitablarına, həmçinin gənclərdə vətənpərvərlik hisslərinin aşılanmasında və ölkədə fizika-riyaziyyat elmlərinin inkişafı tarixində göstərdiyi xidmətlərə görə layiq görülüb.
Əmək və Əhalinin Sosial Müdafiəsi Nazirliyi şəhid ailələrinə və müharibə ilə əlaqədar əlilliyi müəyyən edilmiş şəxslərə Bakı şəhərinin Bibiheybət qəsəbəsindəki yeni yaşayış binasından 250 mənzil təqdim edib.
Azərbaycan Mərkəzi Bankının bu günə olan rəsmi valyuta məzənnələrinə əsasən, ABŞ dollarının məzənnəsi dəyişməyərək 1,7000 manat olub.
