Qazaxıstanın dinlər və vətəndaş cəmiyyəti naziri Azərbaycana səfər edəcək

Qazaxıstanın dinlər və vətəndaş cəmiyyəti naziri Azərbaycana səfər edəcək
07 2017 12:03

Azərbaycanın Qazaxıstandakı səfiri Rəşad Məmmədov bu ölkənin dinlər və vətəndaş cəmiyyəti naziri Nurlan Yermekbayevlə görüş keçirib.

Səfirlikdən Trend-ə verilən məlumata görə, görüş zamanı dini və humanitar sahələrdə əməkdaşlıq məsələləri müzakirə edilib. R.Məmmədov Azərbaycanda və Qazaxıstanda insanların sabitlik, tolerantlıq və multikulturalizm şəraitində yaşamalarının əhəmiyyətinə diqqət çəkərək, bunu ölkələrimizin nailiyyəti adlandırıb. Diplomat qeyd edib ki, Yaxın Şərq və Mərkəzi Asiya regionunun bəzi ölkələrində dini ekstremizm və terrorçuluq təzahürləri ilə müşayiət olunan münaqişələr regional təhlükəsizliyə mənfi təsir edir. Ona görə də iki tərəfdaş ölkənin dövlət qurumları arasında əməkdaşlığın daha da gücləndirilməsinə ehtiyac var.

R.Məmmədov qeyd edib ki, Azərbaycan və Qazaxıstan dini sahədə sıx əməkdaşlıq edir, dövlət qurumları və ictimai təşkilatların nümayəndələrinin fəal iştirakı ilə beynəlxalq əhəmiyyətli tədbirlər keçirilir. Müasir dünyada islamofobiya ciddi problemə çevrilib və ölkəmiz mövcud vəziyyəti dəyişmək üçün ciddi addımlar atmaqdadır. Azərbaycanda 2017-ci il “İslam Həmrəyliyi ili” elan edilib, İslam Həmrəyliyi Oyunlarının və digər beynəlxalq tədbirlərin keçirilməsi nəzərdə tutulub.

Səfirin sözlərinə görə, Azərbaycan mədəniyyətlərarsı dialoq və multikulturalizmi dövlət siyasətinin prioriteti elan edərək bu istiqamətdə qlobal forumlara ev sahibliyi edir. Qazaxıstan da öz növbəsində, dini qurum və konfessiyaların ənənəvi toplantılarını təşkil edir. Bütün bunlar ölkələrimizin sivilizasiyalar və dinlər arasında dialoqun qurulmasında həmrəyliyini nümayiş etdirir.

Qazaxıstanın dinlər və vətəndaş cəmiyyəti naziri N.Yermekbayev isə bu il iki ölkə arasında diplomatik münasibətlərinin qurulmasının 25 illik yubileyinin qeyd olunduğunu, ölkələrimiz arasında əməkdaşlığın bütün sahələr üzrə uğurla inkişaf etdiyini vurğulayıb. O, bir neçə il əvvəl Azərbaycanda keçirilən Xəzəryanı dövlətlərin sammiti çərçivəsində Prezident Nursultan Nazarbayevi Bakıya səfəri zamanı onu müşayiət etdiyini xatırlayaraq, Azərbaycan paytaxtının onda xoş təəssürat oyatdığını qeyd edib. Nazir həmçinin bildirib ki, ötən ilin noyabr ayında rəhbərlik etdiyi qurumun nümayəndə heyəti Bakıda keçirilən MDB ölkələri Gənclər Şurasının iclasında iştirak edib və ölkəmizin aidiyyəti dövlət qurumlarının rəhbərliyi ilə görüşlər keçirib.

N.Yermekbayev təmsil etdiyi nazirliyin Azərbaycanın dini təşkilatları, vətəndaş cəmiyyəti və gənclərlə iş üzrə təcrübəsinin öyrənilməsində maraqlı olduğunu vurğulayıb.

Görüşdə Ermənistan-Azərbaycan, Dağlıq Qarabağ münaqişəsi ətrafındakı vəziyyətlə bağlı qarşı tərəfə ətraflı məlumat verilib.

R.Məmmədov qazaxıstanlı naziri Azərbaycana səfərə dəvət edib. Dəvətə görə təşəkkürünü bildirən N.Yermekbayev Dini Qurumlarla İş üzrə Dövlət Komitəsinin rəhbəri Mübariz Qurbanlı tərəfindən də dəvət aldığını və məmnuniyyətlə Azərbaycana səfər edəcəyini bildirib.

Öz növbəsində, N.Yermekbayev azərbaycanlı həmkarını Qazaxıstana dəvət etdiyini diqqətə çatdırıb və Qazaxıstan tərəfinin bu səfəri yüksək səviyyədə təşkil etməyə hazır olduğunu vurğulayıb.


24 Yan 2022
Siyasət

Azərbaycanla Qətər arasında viza rejimi ləğv edilib

Azərbaycanla Qətər arasında ümumvətəndaş pasportlarına malik şəxslərin viza tələbindən azad edilməsi haqqında saziş təsdiqlənib.

24 Yan 2022
Siyasət

İlham Əliyev Qətərlə viza rejiminin ləğvi haqqında qanunu TƏSDİQLƏDİ

“Azərbaycan Respublikası Hökuməti ilə Qətər Dövləti Hökuməti arasında ümumvətəndaş pasportlarına malik şəxslərin viza tələbindən azad edilməsi haqqında” Saziş təsdiqlənib. 

21 Yan 2022
Siyasət

Xidmət rəisi balıqçılara çağırış edib

Su hövzələrində balıqların istifadəsi qadağan olunmuş sintetik torlarla ovlanması cinayətdir. 

21 Yan 2022
Siyasət

Sənədsiz evlərin sənədləşdirilməsi ilə bağlı qanunvericilik aktı hazırlanır

Azərbaycanda sənədsiz evlərin sənədləşdirilməsinə dair yeni qanunvericilik aktı hazırlanacaq.