Qarsda “Heydər Əliyev və dünya azərbaycanlıları” mövzusunda konfrans keçirilib

Qarsda “Heydər Əliyev və dünya azərbaycanlıları” mövzusunda konfrans keçirilib
28 Dek 2016 10:59

Azərbaycanın Qarsdakı baş konsulluğunun təşkilatçılığı ilə bu şəhərdə yerləşən Heydər Əliyev adına Liseydə “Heydər Əliyev və dünya azərbaycanlıları” mövzusunda konfrans keçirilib.

Konfransda baş konsulluğun əməkdaşları, Heydər Əliyev Liseyinin kollektivi, Qars Qafqaz Universitetində çalışan Azərbaycandan olan görkəmli ziyalılar, elm və mədəniyyət xadimləri, QHT və KİV təmsilçiləri, Türkiyə ictimaiyyətinin tanınmış nümayəndələri, o cümlədən digər rəsmi şəxslər iştirak ediblər.

Əvvəlcə Azərbaycanın və Türkiyənin dövlət himnləri səsləndirilib.

Sonra Azərbaycanın tarixi, mədəniyyəti və müasir sosial-iqtisadi inkişafını əks etdirən film nümayiş olunub.

Konfransda Azərbaycanın Qarsdakı baş konsulu Nuru Quliyevin, Qafqaz Universitetnin dosenti Ellada Gərayzadənin, Heydər Əliyev Liseyinin direktoru Rəcəb Uğurluelin, bu təhsil ocağının müəllimləri Gökay Şimşirin və Abdullah Dumanın çıxışları dinlənib.

N.Quliyev ümummilli lider Heydər Əliyevin xilaskarlıq missiyası, o cümlədən Ulu Öndərin dünya azərbaycanlılarının həmrəyliyinə nail olmaq istiqamətində apardığı siyasətin və qəbul etdiyi tarixi qərarların uğurlu nəticələri barədə ətraflı məlumat verib. Qeyd edib ki, ümummilli lider Heydər Əliyevin tarixi qərarı ilə həyata vəsiqə qazanan Dünya Azərbaycanlılarının Həmrəylik Günü Azərbaycan xalqının mənəvi birliyini özündə ehtiva edir, eləcə də dünyanın müxtəlif guşələrində məskunlaşan soydaşlarımızın birliyinin möhkəmləndirilməsi istiqamətində atılmış ən dəyərli addım kimi özünü doğruldub.

Digər çıxışlarda Dünya Azərbaycanlılarının Həmrəylik Gününün önəmindən, qarşıya qoyduğu vəzifələrdən bəhs olunub. Qeyd olunub ki, bütün dünyada azərbaycançılıq ideologiyası ilə yaşayan hər kəs bu günü qürurla qeyd edir.

Sonra Heydər Əliyev Liseyinin şagirdləri Azərbaycana, Vətənimizin gözəlliyinə, xalqımızın həmrəyliyinə həsr olunan şeirlər oxuyublar.


22 Okt 2020
Siyasət

İlham Əliyev Türkiyənin Baş Ombudsmanını qəbul edib

Azərbaycan Respublikasının Prezidenti İlham Əliyev oktyabrın 22-də Türkiyə Respublikasının Baş Ombudsmanı Şərəf Malkoçu qəbul edib.

22 Okt 2020
Siyasət

Polşa azərbaycanlıları işğalçı Ermənistan ordusunun Gəncə terroruna etiraz edir - FOTO/VİDEO

Polşanın Vrotslav şəhərinin azərbaycanlı icmasının təşəbbüsü ilə Vrotslav şəhərinin bələdiyyə binasının qarşısında icazəli etiraz aksiyası keçirilib. Polşanın müxtəlif şəhərlərində yaşayan azərbaycanlıların da iştirak etdiyi aksiya Azərbaycanın Dövlət Himninin səsləndirilməsi ilə başlayıb. Daha sonra Vrotslav Univeristenin müəllimi İlahə Kərimova polyak dilində çıxış edib və erməni vandalizmini qınayıb.

22 Okt 2020
Siyasət

Polad Bülbüloğlu: “Azərbaycan və Ermənistan liderlərinin görüşü üçün şərait hələ yetişməyib”

“Azərbaycan və Ermənistan liderlərinin görüşü barədə danışmaq üçün hələ tezdir, çünki erməni tərəfi öz yanaşmalarında destruktivlik nümayiş etdirir”.

22 Okt 2020
Siyasət

Ceyhun Bayramov Mevlüt Çavuşoğlu ilə telefonla danışıb

Bu ilin 21 oktyabr tarixində Azərbaycan Respublikası Xarici İşlər naziri Ceyhun Bayramovun Türkiyə Respublikasının Xarici İşlər naziri Mevlüt Çavuşoğlu arasında telefon danışığı baş tutub.