Qarlı hava sərnişin qatarlarının hərəkətinə necə təsir edib?

Qarlı hava sərnişin qatarlarının hərəkətinə necə təsir edib?
16 Dek 2016 14:44

Şaxtalı və qarlı hava şəraiti Azərbaycan və beynəlxalq istiqamətdə hərəkət edən sərnişin qatarlarının hərəkətinə maneçilik törətməyib. Bu barədə Trend-ə "Azərbaycan Dəmir Yolları" Qapalı Səhmdar Cəmiyyətinin mətbuat katibi Nadir Əzməmmədov məlumat verib.

Qurum rəsmisi bildirib ki, dekabrın 15-də ölkə ərazisində qeyri-sabit hava şəraitinin hökm sürməsinə baxmayaraq, Azərbaycanın bölgələrindən və beynəlxalq istiqamətdən Bakıya gələn sərnişin qatarları vaxtında mənzil başına çatıb:

"Həmçinin, Bakı Dəmir Yolu Vağzalından bölgələr və digər ölkələr üzrə hərəkət edən qatarlar da vaxtında qəbul edilib. Bakı-Sumqayıt istiqamətində hərəkət edən sürət qatarı da qrafik üzrə hərəkətini davam etdirir, gecikmə halları olmayıb".