Prokurorlar üçün daha bir “yaşıl işıq” yandırılır - YENİLİK

Prokurorlar üçün daha bir “yaşıl işıq” yandırılır - YENİLİK
22 2020 18:15


Azərbaycanda prokurorların səlahiyyətləri artırılır.

realpress.az xəbər verir ki, bununla bağlı Cinayət Prosessual Məcəlləsinə əlavə təklif edilir.

Hazırda Məcəllənin 84.9-cu maddəsində yazılır ki, prokuror Məcəllənin 41.3-cü maddəsində nəzərdə tutulmuş hallarda təqsirləndirilən şəxsə qarşı cinayət təqibindən imtina edə bilər.

Prokuror bu qaydalara riayət etməklə bəzi hüquqlara da malikdir.

İbtidai araşdırmaya prosessual rəhbərliyi həyata keçirən prokuror yuxarı prokurorun göstərişlərini yerinə yetirməlidir.

Təqsirləndirilən şəxs qismində cəlb edilməsi, qətimkan tədbirinin seçilməsi və ya dəyişdirilməsi, cinayətin tövsifi, ittihamın həcmi, işin icraatına xitam verilməsi və ya məhkəməyə göndərilməsinə dair yuxarı prokurorun göstərişləri ilə razı olmayan ibtidai araşdırmaya prosessual rəhbərliyi həyata keçirən prokuror öz əsaslandırılmış etirazını yuxarı prokurora göndərməkdə haqlıdır.

Bu halda yuxarı prokuror onun dəlilləri ilə razılaşır və öz yazılı göstərişlərini geri götürür.

Əks təqdirdə, onun dəlilləri ilə razılaşmayaraq, cinayət işi üzrə ibtidai araşdırmaya prosessual rəhbərliyi digər prokurora tapşırır.

Prokurorun yazılı göstərişlərindən edilən etiraz bu göstərişlərin icrasını dayandırmır.

Qanun layihəsinə əsasən isə, prokurora daha bir hüquq verilir. Təklif olunan 84.6.9-1-ci maddəyə görə, prokuror şəxsə irəli sürülmüş ittihamla müqayisədə onun əməlinin daha yüngül məsuliyyət nəzərdə tutan cinayət qanununun norması ilə tövsifini təklif edə bilər.

Həmçinin prokurora şəxsə irəli sürülmüş ittihamdan ayrı-ayrı bəndlərin çıxarılmasını təklif etmək hüququ verilir.

Qanun layihəsi Milli Məclisin Hüquq siyasəti və dövlət quruculuğu komitəsinin iyunun 1-də keçiriləcək iclasında müzakirəyə çıxarılacaq.


18 Sent 2020
Cəmiyyət

Anar Kərimov: “Fəxri adların verilməsi ilə bağlı dediyim fikirlər düzgün anlaşılmayıb”

“Fəxri adların verilməsi ilə bağlı dediyim fikirlər düzgün anlaşılmayıb. Söhbət gələcəkdə fəxri adların verilməsində sui-istifadə hallarının qarşısının alınmasından gedir”.

18 Sent 2020
Cəmiyyət

Azərbaycanda referendum təklif olunur - Deputatlardan reaksiya

Azərbaycanda Konstitusiya dəyişikliyi üçün referendumun keçirilməsini vacib hesab edənlər var.

18 Sent 2020
Cəmiyyət

Bakıda kranların yaratdığı təhlükə - VİDEO

Bakının müxtəlif yerlərində, xüsusən də tikinti gedən ərazilərdə irihəcmli qaldırıcı kranlar var. Və bu kranların altından hər gün yüzlərlə, minlərlə insan keçir.

18 Sent 2020
Cəmiyyət

Tofiq Yaqublunun apellyasiya şikayətinə bu gün baxılacaq

Tofiq Yaqublu barəsindəki hökmdən verilən şikayətə bu gün Bakı Apellyasiya Məhkəməsində baxılacaq.

18 Sent 2020
Cəmiyyət

Baş Prokurorluq Masazır gölü ilə bağlı araşdırmalara başladı

Bəzi kütləvi informasiya vasitələrində Abşeron rayonu ərazisində yerləşən Masazır gölünün çirkab suları və müxtəlif tullantılarla çirklənməsinə dair məlumatlar yayılıb.