“Samsung Galaxy S7 Edge” smartfonu 2016-cı ilin mobil qurğuları kateqoriyasında ən yaxşı qurğu seçilib. Belə ki, “Samsung Galaxy S7” “MWC” konfransı çərçivəsində “2016-cı ilin ən yaxşı smartfonu” nominasiyasında birinci yerə çıxaraq “Global Mobile Awards 2017” mükafatına layiq görülüb. “Ən yaxşı smartfon” adı uğrunda beş qurğu - “iPhone 7 Plus”, “Galaxy S7”, “Google Pixel XL”, “Huawei P9” və “Moto Z” mübarizə aparıb.
AZƏRTAC “Macdigger” resursuna istinadən xəbər verir ki, smartfon mütəxəssislər tərəfindən korpusun dizaynı, məhsuldarlığı və fotoqrafik imkanlarına görə seçilib.
Mükafat müəllifləri bildiriblər ki, “Samsung Galaxy S7 Edge” qurğusunda texniki xüsusiyyətlər cəlbedici dizaynla uyğunluq təşkil edir. “Galaxy S6 edge” modelindən ən yaxşı cizgiləri nümunə götürən qurğu 2560 х 1440 piksel təsvir ölçülü “Super AMOLED” ekran, yaddaş kartının genişləndirilməsi imkanı ilə təchiz edilməklə sukeçirməzdir.
Xatırladaq ki, 2015-ci ildə “İlin ən yaxşı smartfonu” mükafatına “iPhone 6” və “LG G3”, 2014-cü ildə “HTC One”, 2012-ci ildə “Samsung Galaxy S II”, 2011-ci ildə “iPhone 4” layiq görülüb.
Ermənistanın xarici işlər naziri Ararat Mirzoyan dekabrın 11-də Belçikanın paytaxtı Brüsselə gedəcək.
Azərbaycan Ordusunun Təlim və Tədris Mərkəzində daimi mənzillərin verilməsi ilə bağlı püşkatma mərasimi keçirilib.
İranın Əlborz əyalətinin Fərdis şəhərində güclü partlayış baş verib.
