Oqtay Əsədov: Bəzən AŞPA monitorinq altında olan ölkələrə qarşı bir cəza orqanı kimi çıxış edir

Oqtay Əsədov: Bəzən AŞPA monitorinq altında olan ölkələrə qarşı bir cəza orqanı kimi çıxış edir
17 2017 09:22

Təəssüflə qeyd etməliyəm ki, bəzən AŞPA monitorinq altında olan ölkələrə qarşı bir cəza orqanı kimi çıxış edir.

Milli Məclisin mətbuat xidmətindən Trend-ə verilən məlumata görə, bunu parlament sədri Oqtay Əsədov Avropa Şurası Parlament Assambleyasının Miqrasiya, qaçqınlar və məcburi köçkünlər komitəsinin martın 15-16-da Azərbaycan parlamentində keçirilmiş iclasının iştirakçıları ilə görüşündə deyib.

Milli Məclisin sədri Azərbaycanın AŞPA ilə əlaqələrin inkişafına böyük önəm verdiyini deyib və təşkilatın yuxarıda adı çəkilən komitəsinin Bakıda iclasının keçirilməsini müsbət dəyərləndirib. Qeyd edilib ki, Dağlıq Qarabağ münaqişəsi ilə əlaqədar qaçqınlar problemi ilə üzləşmiş Azərbaycan üçün belə bir komitənin Bakıda toplaşması çox önəmlidir. Ermənistan-Azərbaycan münaqişəsinin nəticəsi kimi ölkəmizdə 1 milyondan çox qaçqın var. Onların sosial problemlərinin həlli Azərbaycan dövlətinin daim diqqət mərkəzindədir. Bu məqsədlə hətta ayrıca Qaçqınların və Məcburi Köçkünlərin İşləri üzrə Dövlət Komitəsi yaradılmışdır. Məcburi köçkünlərin yaşayış şəraitinin yaxşılaşdırılması üçün Azərbaycan dövləti tərəfindən lazımi addımlar atılmaqdadır. Bu gün məlum səbəblər üzündən qaçqınlar problemi ilə üzləşmiş Avropa üçün Azərbaycanın təcrübəsi çox maraqlı ola bilər.

Görüşdə O.Əəsədov daha sonra deyib ki, biz 2001-ci ildən AŞPA-nın tamhüquqlu üzvüyük: "Bu müddət ərzində təşkilatın müxtəlif qurumları ilə sıx münasibətdə olmuşuq. Təəssüflə qeyd etməliyəm ki, bəzən AŞPA monitorinq altında olan ölkələrə qarşı bir cəza orqanı kimi çıxış edir. Biz qarşılıqlı hörmətə və anlaşmaya əsaslanan əməkdaşlığa tərəfdarıq. Təəssüf ki, bir sıra Avropa qurumlarındakı ikili standartlar bu münasibətlərin daha da dərinləşməsinə bəzən kölgə salır. Ermənistanın nəinki Dağlıq Qarabağı, hətta onun ətrafında olan rayonları belə işğal etməsinə baxmayaraq, bu qurumun sənədlərində Ermənistan haqqında “işğalçı ölkə” kəlməsi belə işlədilmir. 2013-cü ildə Ukraynada baş vermiş böhran zamanı Rusiyaya sanksiyalar tətbiq olunduğu halda Ermənistana münasibətdə biz bunu görmürük. Ümid edirik ki, gələcəkdə bu kimi hallar aradan qaldırılacaq, quruma üzv ölkələrə münasibətdə ədalətli mövqe sərgilənəcək".

Sədr müstəqil Azərbaycanın AŞPA ilə əlaqələri gələcəkdə daha da dərinləşdirmək niyyətində olduğunu ifadə edərək, mayda bu təşkilatın daha bir komitəsinin Bakıda iclasının keçiriləcəyini söyləyib. Qeyd edilib ki, bütün bunlar əməkdaşlığımızın gələcəyinə böyük ümidlərlə baxmağa imkan verir.

Görüşdə Milli Məclisin AŞPA-dakı daimi nümayəndə heyətinin rəhbəri Səməd Seyidov, təşkilatın Miqrasiya, qaçqınlar və məcburi köçkünlər komitəsinin sədri Sahibə Qafarova çıxış edərək AŞPA-nın komitəsinin Bakıda yüksək səviyyədə keçirilməsi üçün göstərilən diqqət və qayğıya görə Milli Məclis rəhbərliyinə komitə üzvləri adından öz dərin təşəkkürlərini bildiriblər. Qeyd edilib ki, Bakıda olduqları müddətdə avropalı deputatlar qaçqınlar şəhərciyində olub, Dağlıq Qarabağdan olan insanlarla görüşüb, söhbətlər aparıblar.

Tədbirdə çıxış edən digər komitə üzvləri Azərbaycan parlamentində olmaqlarından məmnunluq duyduqlarını söyləyiblər və ölkə paytaxtından aldıqları xoş təəssüratları bölüşüblər. Qonaqlar ümidvar olduqlarını bildiriblər ki, AŞPA ilə Azərbaycan arasındakı əlaqələr bundan sonra da inkişaf edəcək.

Görüşdə Milli Məclis Aparatının rəhbəri Səfa Mirzəyev və digər rəsmi şəxslər iştirak ediblər.


29 Mar 2024
Siyasət

Paytaxtın hansı küçələrində sıxlıq var? - SİYAHI + FOTO

Bakının bəzi küçə və prospektində nəqliyyatın sıxlığı müşahidə olunur.

29 Mar 2024
Siyasət

Keçmiş məcburi köçkünlərin daha bir qrupu doğma Füzuli şəhərinə qayıdır - VİDEO

Prezident İlham Əliyevin tapşırığına uyğun olaraq, Füzuli şəhərinə növbəti köç karvanı yola salınıb.

29 Mar 2024
Siyasət

Azərbaycan və Ermənistan parlamentlərinin rəhbərləri may ayında görüşəcəklər - VİDEO

Azərbaycan və Ermənistan parlamentlərinin rəhbərləri Sahibə Qafarova və Alen Simonyan mayın ortalarında növbəti görüşlərini keçirəcəklər.

28 Mar 2024
Siyasət

CAR prezidenti İlham Əliyevi təbrik etdi

Cənubi Afrika Respublikasının (CAR) Prezidenti Matamela Siril Ramafoza Azərbaycan Respublikasının Prezidenti İlham Əliyevi təbrik edib. 

28 Mar 2024
Siyasət

Azərbaycandakı valyuta hərraclarındakı satış 2 dəfəyə yaxın artıb

Bu ilin yanvar-mart aylarında Azərbaycan Mərkəzi Bankının (AMB) Dövlət Neft Fondu (ARDNF) ilə birlikdə keçirdiyi valyuta hərraclarında 1 milyard 835,8 milyon ABŞ dolları məbləğində satış olub.