Bakının Nəsimi rayonunda Gənclər Gününə həsr olunmuş tədbir keçirilib.
AZƏRTAC xəbər verir ki, tədbirdə Milli Məclisin deputatları Məlahət İbrahimqızı, Asim Mollazadə, Aydın Hüseynov, Ülvi Quliyev, ali təhsil ocaqlarının rəhbərləri, müxtəlif sahələrdə fərqlənən gənclər, rayon ictimaiyyətinin nümayəndələri iştirak ediblər.
Çıxış edən Nəsimi Rayon İcra Hakimiyyətinin başçısı Asif Əsgərov ulu öndər Heydər Əliyev tərəfindən 2 fevral tarixinin Gənclər Günü elan edilməsinin əhəmiyyətindən danışıb, Prezident İlham Əliyevin gənclərin problemlərinin həlli istiqamətində mühüm addımlar atdığını deyib.
Digər çıxış edənlər Azərbaycanda həyata keçirilən gənclər siyasətinin uğurlarından danışıblar.
Sonra rayonun ictimai-siyasi həyatında fəal iştirak edən, müxtəlif sahələrdə fərqlənən gənclər fəxri fərmanlar və qiymətli hədiyyələrlə mükafatlandırılıblar.
Tədbir konsert proqramı ilə davam edib.
Bu gün Azərbaycan Dövlət Su Ehtiyatları Agentliyinin sədri Zaur Mikayılov Zaqatala Suvarma Sistemləri İdarəsinin inzibati binasında Zaqatal, Balakənvə digər rayonlardan olan vətəndaşları qəbul edib, onların müraciətlərini dinləyib, ərizə və şikayətlərinə baxıb.
Azərbaycan Respublikasının xarici işlər naziri Ceyhun Bayramov Fələstin Dövlətinin Baş naziri, eləcə də xarici işlər və xaricdə yaşayan fələstinlilər üzrə naziri Məhəmməd Mustafa ilə telefon danışığı aparıb.
Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Mülayim şimal-qərb küləyi əsəcək.
Müdafiə naziri general-polkovnik Zakir Həsənovun təsdiq etdiyi cari ilin hazırlıq planına əsasən, Hərbi Dəniz Qüvvələrinin (HDQ) Hərbi Hava Qüvvələri (HHQ) ilə birgə “Xəzər səması-2024” hava hücumundan müdafiənin təşkili mövzusunda taktiki təlimi keçirilib.
