Azərbaycan Respublikasının Prezidenti İlham Əliyevin “Azərbaycanın görkəmli dövlət və elm xadimi Əziz Əliyevin 120 illik yubileyinin keçirilməsi haqqında” 2016-cı il noyabrın 18-də imzaladığı Sərəncama uyğun olaraq, Naxçıvan Muxtar Respublikasının mədəniyyət müəssisələrində görkəmli dövlət və ictimai xadimin həyat və yaradıcılığını əks etdirən sərgilər təşkil olunub.
AZƏRTAC xəbər verir ki, Məmməd Səid Ordubadi adına Naxçıvan Muxtar Respublika Kitabxanası və Adil Babayev adına Naxçıvan Muxtar Respublika Uşaq Kitabxanasında hazırlanan sərgi-stendlərdə səhiyyə sisteminin və tibb təhsilinin formalaşdırılmasına layiqli töhfələr verən Əziz Əliyevin ömür yolunu əks etdirən məqalələr, kitablar, onun haqqında yazılmış müxtəlif çap materialları və fotoşəkillər yer alıb.
Kitabxanaya gələn oxuculara Əziz Əliyevin həyat və fəaliyyəti barədə ətraflı məlumat verilir.
Azərbaycanda son sutkada koronavirus (COVID-19) əleyhinə 57 vaksin vurulub.
Azərbaycan Respublikasında koronavirus (COVID-19) infeksiyasına 4 yeni yoluxma faktı qeydə alınıb, 14 nəfər müalicə olunaraq sağalıb.
Azərbaycan və Gürcüstan arasında sərmayələrin qarşılıqlı təşviqi imkanları müzakirə edilib.
