Naxçıvan-Məşhəd qatarının hərəkət qrafiki dəyişəcək

Naxçıvan-Məşhəd qatarının hərəkət qrafiki dəyişəcək
07 2017 09:53

"Azərbaycan Dəmir Yolları" QSC Naxçıvan-Məşhəd sərnişin qatarının hərəkət qrafikini optimllaşdırmağı planlaşdırır.

Bunu Trend-ə QSC-nin Sərnişin daşımaları departamentinin rəis müavini Mədəd Şıxəmirov deyib.

Onun sözlərinə görə, sərnişinlərin bu marşruta böyük marağı var:

"Ötən gün artıq ikinci Naxçıvan-Məşhəd qatarı yola salındı. Bazar günü isə üçüncü qatar göndəriləcək. Biletlər artıq satışdadır. İnanıram ki, bu layihə uğurlu olacaq. Belə ki, həm Naxçıvanda, həm də İranda sərnişinlərin bu marşruta böyük marağı müşahidə olunur".

M.Şıxəmirov bildirib ki, qatarın hərəkət qrafikinin optimallaşdırılması üzərində iş gedir: "Biz istərdik ki, qatar Naxçıvandan indiki kimi səhər saatlarında deyil, saat 11-12 radələrində yola düşsün. Bu, Bakı aeroportundan Naxçıvana gələn sərnişinlər üçün də rahat olardı. Bu halda onlar qatara çata bilərlər və Naxçıvanda gecələməyə ehtiyac qalmaz".

QSC rəsmisi əlavə edib ki, qrafikə Novruz bayramından sonra dəyişiklik ediləcək: "Bu məsələ İran tərəfi ilə razılaşdırılıb".

Qeyd edək ki, Naxçıvan-Məşhəd sürət qatarı dekabrın 29-dan istifadəyə verilib. Qatar İranın Culfa, Təbriz və Tehran şəhərlərində də dayanır.

25 İyun 2022
Cəmiyyət

Türkiyə Azərbaycana kərə yağı ixracını 34 dəfə artırıb

Bu ilin ilk dörd ayında Azərbaycan xaricdən 37,165 milyon ABŞ dolları dəyərində 6 min 848 ton kərə yağı alıb.

25 İyun 2022
Cəmiyyət

Bakıdan Füzuliyə yola düşən ilk müntəzəm sərnişin avtobusu mənzil başına çatıb - YENİLƏNİB + FOTO

Bakı-Füzuli istiqamətində yola düşən ilk müntəzəm sərnişin avtobusu mənzil başına çatıb.

25 İyun 2022
Cəmiyyət

Hərbi xidmətə çağırılanların NƏZƏRİNƏ

Azərbaycan Respublikasında 2022-ci ilin iyul ayında müddətli həqiqi hərbi xidmətə göndəriləcək çağırışçılar Silahlı Qüvvələr üzrə xidmət yerlərinə təyinatla bağlı Səfərbərlik və Hərbi Xidmətə Çağırış üzrə Dövlət Xidməti (SHXÇDX) tərəfindən iyunun 25-də SMS vasitəsilə məlumatlandırılıblar.

25 İyun 2022
Cəmiyyət

Sabah yağış yağacaq, şimşək çaxacaq

Azərbaycan ərazisində iyunun 26-da gözlənilən hava şəraiti haqda proqnoz açıqlanıb.

25 İyun 2022
Cəmiyyət

“Qarabağ” bu gün Rumıniya klubu ilə oynayacaq

Azərbaycan çempionu “Qarabağ” bu gün təlim-məşq toplanışında olduğu Avstriyada ilk yoxlama oyununu keçirəcək.