Səhiyyə Nazirliyinin Analitik Ekspertiza Mərkəzində nadir xəstəliklərin müalicəsində istifadə olunan dərman vasitələrinin siyahısının yenidən tərtib edilməsi ilə əlaqədar elmi toplantı keçirilib.
Nazirliyin mətbuat xidmətindən AZƏRTAC-a bildirilib ki, toplantıda bir çox baş mütəxəssislərlə yanaşı, 10 elmi-tədqiqat institutundan, eləcə də Milli Onkologiya Mərkəzindən, Respublika Talassemiya Mərkəzindən, Respublika Endokrinoloji Mərkəzindən, Respublika Neyrocərrahiyyə Xəstəxanasından, Respublika Dəri-Zöhrəvi Dispanserindən dəvət olunmuş mütəxəssislər iştirak ediblər.
Toplantını açıq elan edən mərkəzin direktoru Murad Süleymanov qarşıya qoyulan məqsədin vacibliyini diqqətə çatdırıb. Mərkəzin eksperti tərəfindən nadir xəstəliklər və onların müalicəsi zamanı istifadə olunan dərman vasitələri haqqında təqdimat keçirilib. Qeyd olunub ki, nadir xəstəlikləri tamamilə yaxşılaşdıran bir müalicə yoxdur, ancaq xəstələrin həyatlarını uzatmaq mümkündür. Bundan başqa, elm bütün nadir xəstəliklər üçün bəzi suallara cavabları təmin edə bilir və indiki vaxtda bioloji nümunələrin testi ilə yüzlərlə nadir xəstəliyin diaqnozu qoyulur. Bu xəstəliklərin bəziləri üçün arxivlərin yaradılması ilə xəstələr haqqında daha çox məlumat əldə edilib. Nadir xəstəliklərdən əziyyət çəkən insanlar müalicə imkanlarından kənarda qala bilməzlər, onlar da digər xəstələrlə bərabər hüquqlara malikdirlər.
Toplantı iştirakçıların qarşılıqlı informasiya mübadiləsi, mövzu ətrafında suallar və müzakirələr şəraitində keçib. Analitik Ekspertiza Mərkəzinin direktoru və ekspertləri dəvət olunmuş mütəxəssisləri bu vacib məsələdə səfərbər olmağa və professional yardımlarını əsirgəməməyə çağırıblar. Mütəxəssislər tərəfindən nadir xəstəliklərin müalicəsində istifadə olunan dərman vasitələrinin yeni siyahılarının tərtibi üçün bir həftə vaxt verilib. Siyahılar hazırlanaraq Səhiyyə Nazirliyinə təqdim olunacaq.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
İraqın şimalında keçirilən “Pənçə-Şimşək” və “Pənçə-İldırım” əməliyyatları ilə əlaqədar mətbuat nümayəndələri qarşısında çıxış edən Türkiyənin milli müdafiə naziri Hulusi Akar qondarma “erməni soyqırımı”na dair açıqlama verib.
