ABŞ İŞİD terror təşkilatı ilə mübarizə aparmaq üçün müttəfiq qismində digər terror təşkilat - Demokratik İttifaqı (PYD) seçdi. Nəticədə Türkiyə əziyyət çəkir, gələcəkdə isə Birləşmiş Ştatların özü problemlərlə qarşılaşacaq.
Trend-in məlumatına görə, bunu Türkiyənin müdafiə naziri Fikri İşıq "Habertürk" telekanalına müsahibəsində deyib.
Nazirin sözlərinə görə, ABŞ PYD döyüşçülərinin Fərat çayının şərq sahilində, Suriyanın Menbic şəhərindən çıxarılması ilə bağlı vədini əvvəlki kimi yerinə yetirmir: "Əgər ABŞ öz əhdinə sadiq qalmasa, Türkiyə şəhərin döyüşçülərdən təmizlənməsi üçün əməliyyat keçirməyə məcbur olacaq".
"İncirlik" bazasında gəlincə, F.İşıq qeyd edib ki, bu aviabaza Türkiyəyə məxsusdur və bütün xarici qüvvələr Ankaranın icazəsi əsasında burada yerləşib:
"Bu gün rəsmi Ankara aviabazanın bağlanması məsələsinə baxmır. Lakin əgər "İncirliy"in istifadəsi Türkiyənin maraqlarına uyğun olmasa, biz vəziyyəti qiymətləndirəcək və müvafiq tədbirlər görəcəyik".
Nazir bildirib ki, Suriyanın Əl-Bab şəhərinin İŞİD-dən azad edilməsi urğunda döyüşlər məhəllə döyüşləri mərhələsinə keçib.
Baş prokuror Kamran Əliyevin müvafiq əmrinə əsasən Nəriman Əsədov Şuşa rayon prokuroru vəzifəsinə təyin edilib.
Dekabrın 8-də Heydər Əliyev Mərkəzində Beynəlxalq Avtomobil Federasiyasının (FIA) Baş Assambleyasının illik yekun iclası keçirilib.
Bu gün Bakı və Sumqayıt şəhərləri, Abşeron rayonu üzrə dekabr ayının pensiyaları ödənilib.
