Misir Xarici İşlər Nazirliyi (XİN) bütün dünyada, o cümlədən Misirdə baş vermiş terror aktlarına Amerika və Qərb KİV-ləri tərəfindən məhəl qoyulmamasına görə ABŞ prezidenti Donald Trampın tutduğu tənqidi mövqeyi yüksək qiymətləndirir. Misir XİN-in rəsmi nümayəndəsi Əhməd Əbu Zeyd Qərb mətbuatında yetərincə işıqlandırılmamış 78 terror aktının Ağ ev tərəfindən dərc edilmiş siyahısına münasibətini bu cür bildirib.
Prezident Donald Tramp Amerika KİV-lərini tənqid edərək bildirib ki, onun fikrincə, bir sıra hallarda bu KİV-lər Avropada və bütün dünyada terrorçuların hərəkətləri barədə məlumat vermirlər. Misirli diplomat bu fikri şərh edərək göstərib ki, həmin siyahıda qeyd edilən 78 terror aktından 9-u Avropada baş verib. Bu hadisələr zamanı, o cümlədən Rusiya məxsus avialaynerin Sinay yarımadasında yerə çırpılması, Qahirədə qibtilərin kilsəsində partlayış nəticəsində nəinki onlarca, hətta yüzlərlə insan həlak olub. Onun sözlərinə görə, Donald Trampın tənqid etdiyi ayrı-seçkilik və qərəzlilik halları terror aktlarının işıqlandırılması məsələsinə bəzi qərb KİV-lərinin yanaşmasına da aiddir.
Misir xarici siyasət idarəsinin nümayəndəsi Əhməd Əbu Zeyd deyib: “Ağ evin mövqeyi geniş əhatəli, ardıcıl və ayrı-seçkiliksiz antiterror strategiyası qəbul edilməsinin zəruriliyi, o cümlədən bu strategiyanın siyasi, informasiya və mədəni aspektləri barədə Misirin dəfələrlə səsləndirdiyi çağırışlarla uzlaşır”.
Qazaxıstan xilasediciləri daşqınlar səbəbindən 117 mindən çox insanı məskunlaşmış ərazilərdən təxliyə ediblər.
Gürcüstanın paytaxtı Tbilisidə atışma olub, üç nəfər yaralanıb.
Rusiya qoşunları Çerniqova üç raket zərbəsi endirib.
