Mingəçevirdə polis zabiti vətəndaşa işgəncə verib? - AÇIQLAMA

Mingəçevirdə polis zabiti vətəndaşa işgəncə verib? - AÇIQLAMA
22 2020 16:03


Daxili işlər Nazirliyi Mingəçevirdə polis zabitinin vətəndaşa işgəncə verməsi ilə bağlı yayılan xəbərlərə aydınlıq gətirib.

DİN-in Mətbuat Xidmətinin Şəki regional qrupunun baş inspektoru, polis baş leytenantı Mahir Məsimov realpress.az-ın sorğusuna cavab olaraq bildirib ki, bəzi xəbər saytlarında tirajlanan Mingəçevir şəhər sakini Mirzə Mirzəyevin polis əməkdaşı tərəfindən döyülməsi ilə bağlı iddialar əsassızdır və həqiqəti əks etdirmir:

“Mayın 17-də Mingəçevir Şəhər Polis Şöbəsi əməkdaşlarının narkotik vasitələrin qanunsuz dövriyyəsinə qarşı keçirdikləri əməliyyat tədbiri nəticəsində Mirzə Mirzəyev saxlanılıb. Şəxsi axtarış zamanı ondan yeddi ədəd kağız bükümdə satış məqsədilə üzərində daşıdığı narkotik vasitə olan heroin və elektron tərəzi aşkar edilərək götürülüb. 

M.Mirzəyev Cinayət Məcəlləsinin müvafiq maddəsinə əsasən şübhəli şəxs qismində tutulub. O, törətdiyi cinayət əməlini etiraf edib. Onun guya ŞPŞ-də döyülməsi iddiası tamamilə uydurmadır”.

“Qeyd edim ki, M.Mirzəyev əvvəllər də oğurluq və digər cinayət əməllərinə görə dəfələrlə məhkum olunub. 2019-cu ildə azadlığa çıxdıqdan sonra islah olunmayaraq, yenidən cinayət əməllərini davam etdirib.

Belə ki, ötən ilin sonlarında azadlığa çıxdıqdan bir neçə gün sonra mənzil oğurluğuna görə, bir neçə gün öncə isə Mingəçevir ŞPŞ əməkdaşları tərəfindən narkotik vasitələrin qanunsuz dövriyyəsinə qarşı keçirilən əməliyyat zamanı məsuliyyətə cəlb edilib”, - deyə DİN rəsmisi əlavə edib.

Xatırladaq ki, bəzi xəbər saytlarında Mingəçevir şəhər sakini M.Mirzəyevə polis əməkdaşı tərəfindən işgəncə verilməsi ilə bağlı məlumat yayılıb.


29 Sent 2020
Siyasət

TÜRK PA-dan Azərbaycana dəstək BƏYANATI

TÜRK PA-nın Baş katibi Altınbek Mamayusupov Azərbaycan Respublikasının Dağlıq Qarabağ bölgəsində hərbi gərginlikdən narahatlığını ifadə edərək, çoxsaylı itkilərlə nəticələnən Azərbaycanın yaşayış məntəqələrinin Ermənistan silahlı qüvvələri tərəfindən atəşə tutulmasını qınayır.

29 Sent 2020
Siyasət

Ankaranın simvolu Azərbaycan bayrağının rənglərinə büründü - VİDEO

Türkiyənin paytaxtı Ankaranın simvollarından biri olan “Atakule” qülləsinin Azərbaycan bayrağının rənglərinə boyanıb. 

29 Sent 2020
Siyasət

Sahibə Qafarova ATƏT PA-nın prezidenti ilə Dağlıq Qarabağı müzakirə etdi

Milli Məclisin sədri Sahibə Qafarova ilə ATƏT Parlament Assambleyasının Prezidenti Georgi Tsreteli arasında telefon danışığı olub. 

29 Sent 2020
Siyasət

Ərdoğan: “Ermənistanı bir daha qınayıram” - VİDEO

Türkiyə prezidenti Rəcəp Tayyip Ərdoğan Ermənistanın təcavüzkar siyasətini bir daha pisləyib.

29 Sent 2020
Siyasət

Ermənilər Tərtərdə mülki əhalini atəşə tutdu: Ölənlər və yaralananlar var

Məlum olduğu kimi, təcavüzkar Ermənistanın hərbi-siyasi rəhbərliyi beynəlxalq hüququn norma və prinsiplərini kobud şəkildə pozaraq dinc əhaliyə qarşı terror əməllərini davam etdirir.