Milli Məclis 2017-ci il dövlət büdcəsi layihəsini qəbul etdi (YENİLƏNİB-2)

Milli Məclis 2017-ci il dövlət büdcəsi layihəsini qəbul etdi (YENİLƏNİB-2)
16 Dek 2016 15:26

Milli Məclis bu gün keçirilən plenar iclasında 2017-ci il üçün dövlət büdcə layihəsini təsdiqləyib.

Trend-in məlumatına görə, gələn il üçün büdcənin gəlirləri 16 255 milyard manat (o cümlədən mərkəzləşdirilmiş gəlirlər – 15 634 706 min manat, yerli gəlirlər – 620 294 manat), xərcləri isə 16,9 milyard manat (o cümlədən mərkəzləşdirilmiş xərclər – 16 211 286 min manat, yerli xərclər – 688 714 manat) nəzərdə tutulur.

2017-ci ildə dövlət büdcəsinin kəsirinin yuxarı həddi 645 milyon manat, yəni ÜDM-in 1,05 faizi həcmində nəzərdə tutulur. Büdcə kəsirinin örtülməsi özəlləşdirmər, daxili və xarici borclanma, xarici qrantlar və 2017-ci il yanvarın 1-nə dövlət büdcəsinin vahid xəzinəsində qalıq hesabına nəzərdə tutulur.

Dövlət büdcəsinin gəlirləri Vergilər Nazirliyindən (7,51 milyard manat), Dövlət Gömrük Komitəsindən (2,2 milyard), Əmlak Məsələləri Dövlət Komitəsindən (8 milyon manat) daxilolmalar, büdcə təşkilatlarının ödənişli xidmətləri (353 milyon manat), Azərbaycan Respublikası Dövlət Neft Fondundan transfert (6,1 milyard manat) və digər mənbələr hesabına formalaşdırılacaq.

Gələn il üçün dövlət büdcəsinin xərcləri aşağıdakı kimi formalaşdırılacaq: müdafiə (2,8 milyard manat), elm (118,5 milyon manat), təhsil (1 733,4 milyon manat), səhiyyə (745,4 milyon manat), sosial müdafiə və sosial təminat (2 053,1 milyon manat) və digər xərclər.

İcmal büdcənin gəlirləri 20,02 milyard manat, xərcləri isə 21,267 milyard manat nəzərdə tutulur. İcmal büdcənin tərkib hissəsi hesab olunan Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun gəlirləri 3,4 milyard manat, Naxçıvan Muxtar Respublikasının gəlirləri 348,4 milyon manat, Dövlət Neft Fondunun gəlirləri isə 8 370,6 milyon manat proqnozlaşdırılır.

İcmal büdcənin kəsiri 1 246,5 milyon manat nəzərdə tutulur.

2017-ci ilin dövlət büdcəsində neftin qiyməti bir barel üçün 40 dollar səviyyəsində müəyyən olunub.


17 Apr 2021
İqtisadiyyat

Əmək müqaviləsi olmadan işə cəlbolunma faktları aşkarlanıb

48 nəfərin əmək müqaviləsi olmadan işə cəlb olunduğu aşkar edilib.

16 Apr 2021
İqtisadiyyat

Neft sənayesində yeni dövrün çağırışları: Mütəxəssislər yeni səriştələrə yiyələnməlidir

Bütün dünyada koronavirus (COVID-19) pandemiyasının ölkə iqtisadiyyatlarına mənfi təsirləri, kapital qoyuluşunun kəskin azalması, maliyyə çətinlikləri fonunda neft-qaz yataqlarının axtarış-kəşfiyyatı, işlənməsi istiqamətində uzun illik tarixə və zəngin təcrübəyə malik olan SOCAR-ın “Azneft” İstehsalat Birliyində (İB) itkilər minimuma endirilib, bir çox sahələrdə gəlirlilik təmin olunub. 

16 Apr 2021
İqtisadiyyat

SOCAR-ın xaricə satdığı neft və qaz həcmləri məlum oldu

2021-ci ilin birinci rübündə SOCAR tərəfindən 4,5 milyon ton xam neft ixrac edilib.

16 Apr 2021
İqtisadiyyat

SOCAR neft məhsulları ixracını kəskin artırıb

2021-ci ilin I rübündə SOCAR-ın Azərbaycandakı emal kompleksində 1,4 milyon tondan çox neft, 1,1 milyard kubmetrdən çox təbii qaz emal olunub.

16 Apr 2021
İqtisadiyyat

Ölkədə inflyasiya səviyyəsi artıb

2021-ci ilin yanvar-mart aylarında istehlak qiymətləri indeksi 2020-ci ilin yanvar-mart aylarına nisbətən 103,9 faiz təşkil edib.