Mikayıl Cabbarov sahibkarlara səsləndi - VİDEO

Mikayıl Cabbarov sahibkarlara səsləndi - VİDEO
04 Noy 2019 11:42


Biz populizmi və populist tələbləri real ehtiyaclardan ayıran imkanlara malik olmalıyıq.

Realpress.az-ın məlumatına görə, bunu İqtisadiyyat naziri Mikayıl Cabbarov REAL TV-yə müsahibəsində deyib.

Onun sözlərinə görə, İqtisadiyyat Nazirliyi öz səlahiyyətləri çərçivəsində digər dövlət qurumları ilə vahid komanda halında işləyərək, qeyri-neft sektorunun sürətli inkişafına təkan verəcək.

M.Cabbarov vergi sahəsində aparılan islahatlardan da danışıb. Nazir bildirib ki, vergi sahəsində aparılan islahatlar müsbət nəticələr verib.

M.Cabbarov bununla belə, nöqsanların olduğuna da diqqət çəkib:

“Bəzi hallarda gözləntilərimizdən daha yaxşı nəticələr əldə etmişik. Bəzi hallarda isə gözləntilər hələ də özünü doğrultmayıb. Bu sahələrdə müvafiq inzibatçılıq davam etdirilir və nəticələr əldə olunacaq”, - deyə M.Cabbarov bir daha sahibkarlara, iş adamlarına dostluq təklif etdiyini xatırladıb:

“Dostluq bir çox hissiyyatlardan fərqli olaraq, birtərəfli ola bilmir. Dostluq hər zaman ikitərəfli yoldur. Çünki sən dost dedikdə, həm güvənirsən, həm də insana güvən üçün hüquq verirsən, bu hüququ onun üzərinə ötürürsən. Birmənalı şəkildə inanıram ki, Azərbaycanda sahibkarlıq, iqtisadi fəaliyyətin subyektləri böyük bir yol keçib. Bu yolda çətinliklər olacaqmı, bu yolu birlikdə necə keçəcəyik?

Bu, hər iki tərəfdən, öz üzərində, gündəlik işlərində, yanaşmalarında müəyyən yeniliklər tələb edir. Biz öz tərəfimizdən bu yolu keçməyə hazırıq”.


2 Dek 2019
İqtisadiyyat

Azərbaycandakı banklar xarici valyutada verdiyi kreditləri bahalaşdırıb

Azərbaycanda xarici valyuta ilə verilən kreditlər üzrə orta faiz dərəcəsi bu il noyabrın 1-nə 6,69% təşkil edib.

29 Noy 2019
İqtisadiyyat

Sabahdan Azərbaycana idxal edilən avtomobil benzininə 15 faiz gömrük rüsumu tətbiq ediləcək

Sabahdan Azərbaycana idxal edilən avtomobil benzininə 15 faiz gömrük rüsumu tətbiq ediləcək

27 Noy 2019
İqtisadiyyat

İcbari tibbi sığorta ilə bağlı — VACİB XƏBƏR - VİDEO

Dünyanın bir sıra inkişaf etmiş ölkələrində tətbiq olunmasına 5-10 il vaxt sərf olunan İcbari Tibbi Sığorta sisteminin Azərbaycanda gələn il mərhələli tətbiqi təklif edilib.

26 Noy 2019
İqtisadiyyat

Azərbaycanda avtomobil istehsalı artıb

2019-cu ilin yanvar-oktyabr aylarında Azərbaycanda 1880 minik avtomobili istehsal olunub. Bu, ötən ilin eyni dövrü ilə müqayisədə 3 dəfə çoxdur.