Azərbaycanın işğal edilmiş ərazilərində ötən gün məhv edilən erməni hərbçinin mayor olduğu müəyyənləşib.
REALPRESS.Az Report-a istinadən xəbər verir ki, martın 1-də, saat 16-17 radələrində Ermənistan silahlı qüvvələri tərəfindən işğal edilmiş Azərbaycan ərazilərindəki hərbi hissələrdən birində müqavilə ilə xidmət edən 37 yaşlı Nver Babacanyan artilleriya zərbəsi nəticəsində aldığı qəlpə yarasından dünyasını dəyişib.
Sosial şəbəkələrdə yayılan fotolardan göründüyü kimi, Nver Babacanyan mayor rütbəsi daşıyıb.
Ermənistan tərəfi rəsmən cəbhədəki döyüşlərdə həyatını itənlərlə bağlı məlumat yayıb.
Məlumat verildiyi kimi, Ermənistan silahlı qüvvələrinin döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə Azərbaycan Ordusunun komandanlığı tərəfindən qoşunlarımızın bütün cəbhə boyu əks-hücum əməliyyatı başlaması barədə qərar verilib.
Ermənistan tərəfinin guya Azərbaycan Ordusuna məxsus 3 tank, 2 helikopter və 3 pilotsuz uçuş aparatının (PUA) vurulması barədə yaydığı məlumat yalandır və dezinformasiyadır.
Sentyabrın 27-də, saat 06:00 radələrində Ermənistan silahlı qüvvələri genişmiqyaslı təxribat törədərək, cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından atəşə tutublar.
