Mehriban Əliyeva görkəmli xanəndə Ağaxan Abdullayevlə vida mərasimində iştirak edib (FOTO)

Mehriban Əliyeva görkəmli xanəndə Ağaxan Abdullayevlə vida mərasimində iştirak edib (FOTO)
27 Dek 2016 09:07

Dekabrın 26-da milli musiqi sənətinin görkəmli nümayəndəsi, Xalq Artisti, Prezident təqaüdçüsü, xanəndə Ağaxan Abdullayevin cənazəsi son mənzilə yola salınıb.

Azərbaycanın birinci xanımı, Heydər Əliyev Fondunun prezidenti Mehriban Əliyeva vida mərasimində iştirak edib, unudulmaz sənətkarın ailə üzvlərinə və qohumlarına dərin hüznlə başsağlığı verib.

Mərhumun cənazəsi Suraxanı rayon Səttar Bəhlulzadə adına Mədəniyyət Sarayında matəmsayağı bəzədilmiş postament üzərinə qoyulmuşdu.

Sənətkarın tabutu önünə Azərbaycan Respublikasının Prezidenti adından, Heydər Əliyev Fondunun kollektivi adından əklillər düzülmüşdü. Cənazənin ətrafına hökumət qurumları və müxtəlif kollektivlər adından da əklillər qoyulmuşdu.

Salonda həzin matəm musiqisi səslənirdi.

Ağaxan Abdullayevin həmkarları, dostları, tanışları, tanınmış elm və mədəniyyət xadimləri axın-axın mədəniyyət sarayının binasına gəlir, görkəmli sənətkara son borclarını verirdilər.

Matəm mərasimini mədəniyyət və turizm naziri Əbülfəs Qarayev açaraq deyib ki, Ağaxan Abdullayev Azərbaycan muğam ifaçıları arasında öz yeri, öz dəstxətti olan sənətkarlardandır. O, milli musiqi ifaçılığında özünəməxsus bir yol açıb. A.Abdullayevin klassik xanəndələrimizin yaradıcılıq ənənələrinə əsaslanan sənət yolu milli musiqimizdə bir yenilik idi. Bu yenilik muğam, xanəndəlik sənətinə münasibətdə, mahnı ifaçılığında özünü qabarıq şəkildə göstərirdi.

Bildirilib ki, 1950-ci ildə Bakıda dünyaya göz açan sənətkar A.Zeynallı adına Orta İxtisas Musiqi Məktəbində təhsil alıb. Ömrünün 40 ilini Azərbaycan musiqisinin inkişafı və təbliğinə həsr edib. Böyük sənətkarımız Ağaxan Abdullayev Azərbaycanı qarış-qarış gəzib-dolaşıb, dünyanın 20-dən çox ölkəsinə qastrol səfərlərinə çıxıb. Hər yerdə Azərbaycan muğamlarını, xalq və bəstəkar mahnılarını böyük şövqlə, əsl ustalıqla ifa edib. O, nə oxuyubsa ürəkdən oxuyub. Onun Azərbaycan musiqisinin inkişafı naminə gördüyü işlər hər zaman yüksək qiymətləndirilib və xanəndə fəxri adlar, orden və medallarla mükafatlandırılıb.

Nazir vurğulayıb ki, Ağaxan Abdullayevin böyük məharətlə və ilhamla ifa etdiyi muğam dəsgahlarının audio və videoyazıları Azərbaycan Televiziyasının qızıl fondunda saxlanılır.

Diqqətə çatdırılıb ki, xanəndə pedaqoji və maarifçilik fəaliyyətinə böyük önəm verib. O, 1977-ci ildən A.Zeynallı adına musiqi məktəbində muğamdan dərs deyib, gənc xanəndələr nəslinin yetişməsində böyük əmək sərf edib, bir çox tanınmış xanəndələrin ustadı kimi tanınır. O, dəfələrlə televiziya muğam müsabiqələrinin münsiflər heyətinin üzvü olub.

Nazir vurğulayıb ki, Ağaxan Abdullayevin sənəti solmaz və əbədiyaşardır. Bu ecazkar səs, bu sənət gələcək nəsillərə, əsrlərə ünvanlanıb.

Vida mərasimində çıxış edən Xalq artistləri Arif Babayev, Alim Qasımov və Siyavuş Kərimi Ağaxan Abdullayevin ifaçılıq məharətindən, muğamlarımızın təbliği, tanıdılması və inkişafı naminə gördüyü fədakar işlərdən danışıblar.

Bildirilib ki, Ağaxan Abdullayev musiqimizin və mədəniyyətimizin tarixində əbədi qalmaq haqqını qazanmış sənətkarlardandır.

Mərhumun ailəsi adından çıxış edən oğlu Xoşbəxt Abdullayev atasının xatirəsinə göstərilən hörmət və ehtirama görə dərin minnətdarlığını bildirib.

Sonra böyük sənətkarın cənazəsi son mənzilə yola salınıb.

Mərhum Türkanda kənd qəbiristanlığında torpağa tapşırılıb.

Allah rəhmət eləsin!



25 Sent 2020
Siyasət

İlham Əliyev: “Ermənilərə beynəlxalq təzyiqin olmaması çox təhlükəli addımlara gətirib çıxarır”

“Ermənilər faktiki olaraq, beynəlxalq hüquq normalarına tamamilə məhəl qoymurlar və cinayət törədirlər. Onların bu cür davranmaq imkanında olmasının səbəbi ondan ibarətdir ki, onları dayandıran yoxdur. Minsk qrupunun həmsədrləri onları dayandırmır”.

25 Sent 2020
Siyasət

Prezident: “İşğal olunmuş ərazilərdə qondarma hərbi təlimlərin təşkili bizə qarşı daha bir təxribatdır”

“Ermənilərin danışıqlar prosesini bilərəkdən pozmasının daha bir göstəricisi Dağlıq Qarabağdan olan separatçıları danışıqlar prosesinə cəlb etmək üçün ardıcıl səyləri göstərməsi idi. Bu da tərəfimizdən dərhal rədd edilmişdir və Minsk qrupunun həmsədrləri tərəfindən dəstəklənməmişdir. Başqa sözlə, onlar artıq uzun illərdir ki, mövcud olan danışıqların formatını dəyişmək istəyirdilər”.

25 Sent 2020
Siyasət

İlham Əliyev: “Minsk qrupunun həmsədrləri erməniləri dayandırmır”

“Sözsüz ki, Azərbaycanın qədim tarixi şəhəri olan Şuşada cinayətkar xunta rejiminin qondarma liderinin dırnaqarası andiçmə mərasimini təşkil etmək qərarı onların qəsdən etdiyi daha bir təxribatdır”.

25 Sent 2020
Siyasət

Dövlət başçısı: “Ermənistanın hərbi təxribatlarına görə vəziyyət mənfi məcraya doğru gedir”

“Əfsuslar olsun ki, region daha təhlükəsiz bir məkana çevrilməyib. Təəssüf ki, vəziyyət mənfi məcraya doğru gedir. Bu da, əsasən, Ermənistanın Azərbaycana qarşı davamlı hərbi təxribatlarına görə baş verir”.

25 Sent 2020
Siyasət

İlham Əliyev: “Bütün məsuliyyət Ermənistanın üzərindədir”

“Bir müddət əvvəl sərhəddən ordumuz çıxarılıb və indi Ermənistanla dövlət sərhədinin böyük bir hissəsi sərhəd xidməti tərəfindən mühafizə olunur. Bu, bizim Ermənistanla dövlət sərhədində heç bir hərbi niyyətlərimizin olmadığını göstərir.