Məhkəmə xidmətlərinin keyfiyyətini və səmərəliliyini artırmaq üçün ictimai rəy öyrənilir

Məhkəmə xidmətlərinin keyfiyyətini və səmərəliliyini artırmaq üçün ictimai rəy öyrənilir
04 2017 13:44

Məhkəmə xidmətlərinin keyfiyyətini və səmərəliliyini artırmaq üçün ictimai rəy öyrənilir. Ötən il beş pilot məhkəmədə ictimaiyyəti məlumatlandırmaq məqsədilə sorğular keçirilib. Avropa Şurası ekspertlərinin ilkin rəyinə görə, bu iş yüksək səviyyədə yerinə yetirilib, mühüm təcrübə əldə olunub. Gələcəkdə Azərbaycanın bütün məhkəmələrində belə sorğuların keçirilməsi üçün Avropa Şurası ilə qarşılıqlı faydalı əməkdaşlıq davam etdiriləcək.

AZƏRTAC xəbər verir ki, bu fikirlər Azərbaycan Respublikası Məhkəmə Hakimləri Assosiasiyaları İttifaqının martın 4-də keçirilən ümumi yığıncağında səslənib.

Tədbirdə Azərbaycan Respublikası Ümumi Məhkəmə Hakimləri İctimai Birliyinin (Assosiasiyasının) və Azərbaycan Respublikası Məhkəmə Hakimləri Assosiasiyaları İttifaqının illik hesabatları dinlənilib.

Birliyin və ittifaqın sədri, Yasamal Rayon Məhkəməsinin sədri Ələddin Cəfərov çıxış edərək Prezident İlham Əliyevin rəhbərliyi ilə ölkəmizin sabit inkişafından, müxtəlif sahələrdə qazanılan uğurlardan danışıb. O, ötən ilin sentyabrında keçirilmiş referendumdan sonra baş verən mühüm yenilikləri diqqətə çatdıraraq, Prezident İlham Əliyevin müvafiq Sərəncamı ilə xanım Mehriban Əliyevanın Birinci vitse-prezident vəzifəsinə təyin edilməsinin ölkəmizin müasir dövlət idarəetməsi sistemində keyfiyyətcə yeni mərhələnin başlanğıcı olduğunu bildirib.

Yığıncaqda Prezident İlham Əliyevin “Penitensiar sahədə fəaliyyətin təkmilləşdirilməsi, cəza siyasətinin humanistləşdirilməsi və cəmiyyətdən təcridetmə ilə əlaqədar olmayan alternativ cəza və prosessual məcburiyyət tədbirlərinin tətbiqinin genişləndirilməsi barədə” 2017-ci il 10 fevral tarixli Sərəncamından irəli gələn vəzifələr diqqətə çatdırılıb.

Ə.Cəfərov görülən işlərlə bağlı ədliyyə orqanlarının inkişafına və məhkəmə sisteminin müasirləşməsinə xidmət edən mütərəqqi islahatların müsbət nəticələrini vurğulayaraq qeyd edib ki, uğurla aparılan məhkəmə-hüquq islahatları nəticəsində ölkəmiz Avropada böyük nüfuz qazanıb. Mötəbər beynəlxalq qurumların rəhbərliyində təmsil olunan Azərbaycanın təcrübəsi ən mütərəqqi nümunə kimi qəbul edilir.

Tədbirdə Azərbaycan Respublikası İxtisaslaşdırılmış Məhkəmə Hakimləri İctimai Birliyinin (Assosiasiyasının) sədri, Sumqayıt Apelyasiya Məhkəməsinin sədri Səadət Bəktaşi Assosiasiyanın ötən dövrdəki fəaliyyəti barədə ətraflı məlumat verib.

Sonra məhkəmə fəaliyyətinin aktual məsələləri, qabaqcıl beynəlxalq təcrübə və sair məsələlər ətrafında səmərəli müzakirələr aparılıb.


4 Mar 2021
Cəmiyyət

İstanbulda Xocalı soyqırımına həsr edilmiş FOTOSƏRGİ

Türkiyənin İstanbul şəhərində Xocalı soyqırımının 29-cu ildönümünə həsr edilmiş fotosərgi təqdim edilib.

4 Mar 2021
Cəmiyyət

Baş nazirdən buraxılış imtahanları ilə bağlı QƏRAR

“Ümumi təhsil pilləsində təhsilalanların yekun attestasiyasının aparılması Qaydaları”nda dəyişiklik edilib. 

4 Mar 2021
Cəmiyyət

Azərbaycanda qəbul imtahanları ilə bağlı MÜHÜM DƏYİŞİKLİK

“Azərbaycan Respublikasının orta ixtisas təhsili müəssisələrinə ümumi orta təhsil bazasında tələbə qəbulu  Qaydaları”nda dəyişiklik edilib. 

4 Mar 2021
Cəmiyyət

Polad Həşimovun anası şəhid ailələrinə və müharibə əlillərinə evlər təqdim etdi - FOTO

Prezident İlham Əliyevin tapşırığına uyğun olaraq bu il 3 min, yaxın 5 ildə isə 11 mindən çox şəhid ailəsi və müharibə əlili mənzil və fərdi evlərlə təmin ediləcək.

4 Mar 2021
Cəmiyyət

“Milliön” yeni əskinazları niyə qəbul etmir? - VİDEO

Yaxın günlərdə bütün “Milliön” ödəmə terminalları dövriyyəyə buraxılan yeni əsginasları qəbul edə biləcək.