Dekabrın 9-da Masallı şəhərindəki Mədəniyyət Mərkəzində ümummilli lider Heydər Əliyevin xatirəsinə həsr olunmuş anım tədbiri keçirilib.
AZƏRTAC xəbər verir ki, Masallı Dövlət Regional Kollecinin təşkilatçılığı ilə keçirilən tədbirdə tələbələrlə yanaşı, Yeni Azərbaycan Partiyası (YAP) Masallı rayon təşkilatının fəalları, ziyalılar, müharibə və əmək veteranları, məktəblilər, ictimaiyyətin və KİV-lərin nümayəndələri iştirak ediblər. Toplantıda çıxış edən Masallı Dövlət Regional Kollecinin direktoru Vidadi Nəzərov dünya şöhrətli siyasətçi, Azərbaycan xalqının ümummilli lideri Heydər Əliyevin Vətən və xalq qarşısındakı əvəzolunmaz xidmətlərindən danışıb.
Anım tədbirində kollecin müəllimi Dilarə Hüseynovanın “Əbədiyaşar xilaskar, müdrik rəhbər, Ulu Öndər" adlı məruzəsi dinlənilib.
Qeyd olunub ki, ulu öndər Heydər Əliyev Azərbaycana rəhbərlik etdiyi bütün dövrlərdə uzaqgörən daxili və xarici siyasəti ilə ölkənin nüfuzunu artırmaqla onun hərtərəfli inkişafına nail olub, müstəqilliyimizi əbədi və dönməz edib.
YAP Masallı rayon təşkilatının sədri Seyfəddin Əliyev böyük rəhbərin gənclərə qayğısından danışıb.
Tədbirin sonunda tələbələrinin ifasında Xalq şairi Zəlimxan Yaqubun "Ölümsüz həyat" poemasının motivləri əsasında ədəbi-bədii kompozisiya nümayiş etdirilib.
Tərtər rayonu Canyataq yaşayış məntəqəsinin yaxınlığında erməni separatçıların tərk etdikləri döyüş mövqeyinin görüntüləri yayılıb.
Bu ilin yanvar-avqust aylarında Azərbaycandan xarici ölkələrə gedən vətəndaşlarımızın ümumi sayı ötən ilin eyni dövrü ilə müqayisədə 23 % artaraq 1 209 min nəfər olub.
