Martın 6-da Mərkəzi Seçki Komissiyasının növbəti iclası keçirilib.
AZƏRTAC xəbər verir ki, Mərkəzi Seçki Komissiyasının sədri Məzahir Pənahov iclasın gündəliyi barədə məlumat verib.
İclasda V çağırış Azərbaycan Respublikası Milli Məclisinin deputatı Mehriban Əliyevanın səlahiyyətlərinə xitam verilməsi ilə bağlı məsələyə baxılıb.
Məzahir Pənahov bildirib ki, deputatlıq fəaliyyəti dövründə Mehriban Əliyeva böyük uğurlar qazanıb. Onun fəaliyyəti seçicilər tərəfindən də hər zaman yüksək qiymətləndirilib. Mehriban Əliyeva, həmçinin Heydər Əliyev Fondunun prezidenti kimi də Azərbaycan mədəniyyətinin dünyada təbliği, tariximizin qorunub saxlanılması istiqamətində misilsiz xidmətlər göstərib. MSK sədri əminliklə bildirib ki, Birinci vitse-prezident kimi fəaliyyətində də Mehriban Əliyeva xalqımızın və dövlətimizin maraqlarına uyğun fəaliyyət göstərəcək.
Qeyd edilib ki, Mehriban Əliyeva ərizə ilə müraciət edərək Birinci vitse-prezident seçilməsi ilə əlaqədar deputatlıq fəaliyyətinə xitam verilməsi ilə bağlı müraciət edib. Mərkəzi Seçki Komissiyası Konstitusiyanın və Seçki Məcəlləsinin tələblərinə uyğun olaraq V çağırış Azərbaycan Respublikası Milli Məclisinin deputatı Mehriban Əliyevanın səlahiyyətlərinə xitam verilməsi ilə bağlı məsələyə baxıb. Bununla bağlı qərar səsə qoyularaq qəbul edilib.
"Azərbaycanın həm Cənubi Qafqazda möhkəmlənməsi, həm daha böyük coğrafiyada önəmli ölkəyə çevrilməsi prosesi bundan sonra da uğurla gedəcək".
Azərbaycan Respublikasının Prezidenti İlham Əliyev və birinci xanım Mehriban Əliyeva oktyabrın 4-də Cəbrayıl şəhərində inşa olunan yaşayış kompleksinin açılışında iştirak ediblər, yeni evlərə köçən şəhər sakinlərinə mənzillərin açarlarını təqdim ediblər.
"Bizim Qələbəmiz, əlbəttə ki, xalqımız üçün, dövlətimiz üçün ən böyük nemətdir, hesab edirəm ki, Azərbaycan xalqının çoxəsrlik tarixində ən parlaq hərbi Qələbədir".
