Heydər Əliyev Fondunun vitse-prezidenti Leyla Əliyeva Heydər Əliyev Sarayında böyük uğurla başa çatan “Zima” Uşaq Estrada Musiqisi Festivalında iştirak edib.
Bu, təsadüfi deyildi. Leyla Əliyeva maraqlı aksiyaları və tədbirləri, istedadlı gəncləri həmişə dəstəkləyir, çox vaxt irimiqyaslı maraqlı layihələrin təşəbbüskarı və təşkilatçısı rolunda çıxış edir. Xüsusi qeyd edək ki, “Zima” festivalının ideyası məhz Leyla xanımın oğullarına - 8 yaşlı Əli və Mikayıla məxsusdur.
Festivalın təşkilatçısı - “BEAT GROUP” şirkəti bakılılara əsl musiqi bayramı bəxş edib. Əsas qala-konsert, parlaq, rəngarəng şou və yüzlərlə uşaq təbəssümü şənliyin qonaqlarının və iştirakçılarının yaddaşlarından uzun müddət silinməyəcək. Festival Azərbaycan Mədəniyyət və Turizm Nazirliyinin dəstəyi ilə keçirilib.
Məlum olduğu kimi, arzu edən hər bir istedadlı uşaq bu festivalın iştirakçısı ola bilərdi. Bunun üçün sevimli mahnını ifa etmək, onu videoməlumat kimi yazmaq və təşkilat komitəsinə göndərmək yetərli idi. Münsiflər heyətinin ciddi seçimindən sonra finala cəmi 22 gənc istedad keçdi. Qala-konsertdə səhnəyə Aysel Əfəndiyeva, Aytən Hacıyeva, Aliyə Əliyeva, Atilla Məmmədov, Bahar Babazadə, Lalə Zeynallı, Məryəm Mayqari, Nəzrin Əsədova, Nərgiz Əliyeva, Nemət Tağıyev, Nigar Bayramlı, Nigar Rəhimova, Nuru Qasımov, Rüstəm Kərimov, Rüfət Məmmədov, Səbinə Abbasbəyli, Səbinə Quluzadə, Sevil Əsədullayeva, Suada Ələkbərova, Timur Nərimanov, Fərid Hüseynov və Fidan Hüseynova çıxdılar. Məxsusi olaraq şou iştirakçılarını dəstəkləmək üçün Sankt-Peterburqdan gəlmiş “Qolos. Deti” layihəsinin finalçısı Azər Nəsibov festivalın ulduz qonağı oldu.
Layihə üzərində bir qrup istedadlı mütəxəssis işləyib. “Zima”nın rejissoru Əməkdar İncəsənət Xadimi Ülviyyə Könüldür. Şounu Ranar Musayev və Suel Heybətova aparıblar. Layihənin musiqi prodüseri Rüstəm Rzayev, vokal üzrə pedaqoq Ukraynanın Əməkdar Artisti Rimma Şapovalovadır. Uşaqların obrazları üzərində dizayner Zümrüd Mirzəliyeva işləyib, icraçı prodüser rolunda Yelena Rıbalko çıxış edib.
Festivalın özünəməxsus musiqili əhvalat olan hər bir nömrəsinin ifaçısı tədbirin qonaqları tərəfindən sürəkli alqışlarla qarşılanıb və yola salınıb. Çıxışlar başa çatandan sonra iştirakçılara festivalın xatirə diplomu təqdim edilib. Nəzrin Əsədovaya Paris “Disneyləndi”nə yollayış verilib.
Bu şənliyi görə bilməyənlərin diqqətinə çatdırırıq ki, “Zima” festivalı yaxın vaxtlarda Azərbaycan Televiziyasında nümayiş etdiriləcək.
Azərbaycanın müdafiə naziri general-polkovnik Zakir Həsənov və nazirliyin digər rəhbər heyəti Misir Ərəb Respublikasının müdafiə nazirinin dəvəti ilə "EDEX 2023" sərgisində iştirak etmək üçün bu ölkədə səfərdədir.
Elm və Təhsil Nazirliyi Dendrologiya İnstitutu və Şərqi Zəngəzur iqtisadi rayonuna daxil olan Qubadlı, Cəbrayıl və Zəngilan rayonlarında Azərbaycan Prezidentinin xüsusi nümayəndəliyinin təşəbbüsü ilə “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”nın icrası məqsədilə “Yaşıl həyat” layihəsinin icrası həyata keçirilib.
“Azərbaycan Xəzər Dəniz Gəmiçiliyi” QSC-nin (ASCO) Dəniz Nəqliyyatı Donanmasına məxsus “Prezident Heydər Əliyev” tankeri təmir olunaraq istismara qaytarılıb.
