Lapşinin vəkili danışdı: Lapşini xarici ölkə vətəndaşı olan vəkil müdafiə edə bilməz

Lapşinin vəkili danışdı: Lapşini xarici ölkə vətəndaşı olan vəkil müdafiə edə bilməz
09 2017 15:09

Fevralın 7-də Azərbaycana ekstradisiya olunan bloger Aleksandr Lapşin vəkillə görüşüb.

Bu barədə Trend-ə açıqlamasında A.Lapşinin vəkili Səfər Hüseynov məlumat verib. Onun sözlərinə görə, görüş zamanı o Lapşinin səhhəti və saxlanma şəraiti ilə maraqlanıb. A. Lapşin saxlanma şəraiti və səhhətinin normal olduğunu bildirib, şikayət etməyib.

Vəkil bildirib ki, A.Lapşin xarici ölkədən vəkillə təmin oluna bilməz: "Qanunvericiliyə görə onu ancaq Azərbaycan vəkilləri müdafiə edə bilərlər, xarici ölkə vətəndaşları olan vəkillərin heç birinin onu Azərbyacnda müdafiə etmək hüququ yoxdur".

Qeyd edək ki, A.Lapşin fevralın 7-də gecə saatlarında Belarusdan Azərbaycana ekstradisiya edilib.

Qeyd edək ki, ayrı-ayrı dövlətlərin vətəndaşlığını daşıyan A.Lapşin Ermənistan silahlı qüvvələri tərəfındən Azərbaycanın işğal olunmuş ərazilərində yaşayan digər şəxslərlə qabaqcadan əlbir olub cinayət əlaqəsinə girərək, "Azərbaycan Respublikasının dövlət sərhədi haqqında", "Pasportlar haqqında" Azərbaycan Respublikası qanunlarının tələblərini kobud surətdə pozmaqla Azərbaycanın mühafizə olunan dövlət sərhədini müəyyən edilmiş sənədlər olmadan və nəzarət-buraxılış məntəqələrindən kənarda keçərək 2011-ci ilin aprel və 2012-ci ilin oktyabr aylarında işğal olunmuş ərazilərə daxil olmuşdu.

O, qanunsuz rejimin beynəlxalq səviyyədə təbliğ edilməsi məqsədilə internet sosial şəbəkəsində özünə məxsus "http//puerrtto.livejournal.com" səhifəsində səyahət etdiyi dövlətlər arasında Azərbaycan və Ermənistanla yanaşı, Dağlıq Qarabağı da müstəqil dövlət kimi qeyd etməklə, həmçinin 6 aprel və 29 iyun 2016-cı il tarixli müraciətlərində işğal olunmuş ərazilərdə qanunsuz fəaliyyət göstərən rejimin "müstəqilliyini" dəstəkləməklə Azərbaycanın beynəlxalq səviyyədə tanınmış ərazi bütövlüyünün parçalanmasına yönələn açıq çağırışlar edib.

Xarici İşlər Nazirliyi Azərbaycanın işğal olunmuş ərazilərinə qanunsuz səfəri ilə əlaqədar A.Lapşinin adını "arzuolunmaz şəxslər" siyahısına daxil edib.

Bundan əvvəl Azərbaycan Baş Prokurorluğunun məlumatında bildirilirdi ki, bir qrup şəxslə cinayət əlaqəsinə girərək Azərbaycanın işğal olunmuş ərazisinə qanunsuz səfər və dövlət əleyhinə yönələn açıq çağırışlar etdiyi, dövlət sərhədini qanunsuz keçdiyinə görə Belarusda həbs edilən A.Lapşinin ölkəmizə ekstradisiya olunması ilə əlaqədar zəruri tədbirlər davam etdirilir. A.Lapşinin Azərbaycana ekstradisiya edilməsi üçün sənədlər Baş Prokurorluq tərəfindən Belarus hüquq-mühafizə orqanlarına təqdim olunub. A.Lapşinin hərəkətlərində dövlət əleyhinə yönələn açıq çağırışlar və dövlət sərhədini qanunsuz olaraq keçmə əməllərinin tərkib əlamətləri olduğundan Baş Prokurorluğun Ağır Cinayətlərə Dair İşlər Üzrə İstintaq İdarəsində fakta görə, Azərbaycan Cinayət Məcəlləsinin 281.2 (dövlət əleyhinə yönələn açıq çağırışlar) və 318.2-ci (Azərbaycan Respublikasının dövlət sərhədini qanunsuz olaraq keçmə) maddələri ilə cinayət işi qaldırılıb və barəsində dövlətlərarası axtarış elan edilib.

Belarus Baş Prokurorluğu yanvarın 17-də A.Lapşinin Azərbaycana ekstradisiyası barədə qərar vermişdi. A.Lapşin isə Belarus Baş Prokurorluğunun qərarından apelyasiya şikayəti vermişdi. Ötən gün A.Lapşin Bakıya gətirilib. Bundan əvvəl isə Belarus Ali Məhkəməsi tərəfindən bloqer A.Lapşinin Azərbaycana ekstradisiyası barədə qərardan şikayəti rədd edilib.


27 Fev 2021
Cəmiyyət

Bakıda tramvayların bərpası ilə bağlı işlər gedir - AÇIQLAMA

Bu gün paytaxtda velosiped infrastrukturu demək olar ki, yoxdur. Lakin qarşıda velosiped zolaqlarının çəkilməsi nəzərdə tutulur.

27 Fev 2021
Cəmiyyət

“8 Noyabr” stansiyası istismara hazırlanır

Bakı metrosunun son 7 ilində yeraltı yolların inkişafı, yeni sahələrin tikintisi davam edib.

27 Fev 2021
Cəmiyyət

200 gündən artıqdır bağlı qalan metroda hansı işlər görülüb? - RƏSMİ

“Böyük hünərlərlə zəngin olan illərin sırasında bütün dünyanın həyat ahəngini pozan pandemiya metropolitenimizin normal fəaliyyəti qarşısında ciddi əngəllər yaradıb”.

27 Fev 2021
Cəmiyyət

Qubadlı yolunun inşasına yaxın zamanda başlanılacaq - RƏSMİ

Qarşıda dayanan ikinci layihə 3500 metr hündürlükdə olan Murovdağ silsiləsindən Kəlbəcərə gedən yolun çəkilməsidir. Çünki Kəlbəcər rayonunda qış mövsümü sərt keçir.

27 Fev 2021
Cəmiyyət

Vyanada Xocalı soyqırımı qurbanları anılıb - FOTO

Avstriyada fəaliyyət göstərən Avstriya-Azərbaycan Mədəniyyət və İş Adamları Dərnəyinin (AZER-DER) təşəbbüsü ilə Xocalı soyqırımının 29-cu ildönümü ilə əlaqədar anım tədbiri keçirilib.