2017-ci ilin Azərbaycanda “İslam Həmrəyliyi ili” elan olunması ilə əlaqədar tədbirlər planı üzərində iş gedir.
Trend-in məlumatına görə, bunu jurnalistlərə açıqlamasında Dini Qurumlarla İş üzrə Dövlət Komitəsinin sədri Mübariz Qurbanlı deyib.
M.Qurbanlı bildirib ki, bununla əlaqədar Baş nazirin müavini Əli Əhmədovun yanında ayrı-ayrı qurumların rəhbərlərinin müşavirəsi keçirilib:
“Hazırda hər bir qurum tərəfindən “İslam Həmrəyliyi ili” ilə əlaqədar təkliflər göndərilir. Bu təkliflər üzərində işləndikdən sonra cənab Prezidentə təqdim olunacaq və tədbirlər planı təsdiq olunacaq. Tədbirlər planı təsdiq edildikdən sonra həm Azərbaycanda, həm də Azərbaycandan kənarda müxtəlif tədbirlər həyata keçiriləcək”.
Komitə sədri bildirib ki, tədbirlər planında bütün sahələr nəzərdə tutlub.
Onun sözlərinə görə, İslam həmrəyliyi dedikdə bunu yalnız dini məsələlərə bağlamaq düzgün deyil: “İslam həmrəyliyi bütün istiqamətləri, o cümlədən iqtisadiyyatı, mədəniyyəti, humanitar məsələləri, beynəlxalq təşkilatlar, o cümlədən İslam təşkilatları çərçivəsində fəaliyyəti, eyni zamanda ayrı-ayrı İslam ölkələri arasında əməkdaşlığı, həmçinin radikal qruplara qarşı birgə mübarizənin aparılmasını, bu mübarizənin koordinasiya olunmasını və digər bütün məsələləri nəzərdə tutur”.
Hüseyn Nizami oğlu Nəcəfov Azərbaycan Respublikasının Rumıniyada fövqəladə və səlahiyyətli səfiri vəzifəsindən geri çağırılıb.
Ülvi Vaqif oğlu Baxşəliyev Azərbaycan Respublikasının Belarus Respublikasında fövqəladə və səlahiyyətli səfiri və eyni zamanda Azərbaycan Respublikasının Müstəqil Dövlətlər Birliyinin nizamnamə və digər orqanları yanında daimi səlahiyyətli nümayəndəsi vəzifələrindən geri çağırılıb.
