Kiyevdə Transxəzər Beynəlxalq Nəqliyyat Marşrutunun səmərəli istifadəsi müzakirə olunub

Kiyevdə Transxəzər Beynəlxalq Nəqliyyat Marşrutunun səmərəli istifadəsi müzakirə olunub
12 2017 10:00

Kiyevdə Transxəzər Beynəlxalq Nəqliyyat Marşrutunun səmərəli istifadəsi müzakirə olunub.

“Azərbaycan Dəmir Yolları” QSC-nin ictimaiyyətlə əlaqələr şöbəsindən AZƏRTAC-a bildirilib ki, müzakirələr Ukraynanın paytaxtı Kiyev şəhərində Azərbaycan, Ukrayna, Qazaxıstan və Gürcüstan dəmiryolçularının iştirakı ilə dördtərəfli görüş zamanı aparılıb.

Görüşdə “Azərbaycan Dəmir Yolları” QSC-nin sədri Cavid Qurbanov, “Ukrayna Dəmir Yolu” SC-nin İdarə Heyətinin sədri Voytsex Balçun, “Qazaxıstan Dəmir Yolu” SC-nin prezidenti Kanat Alpısbayev və “Gürcüstan Dəmir Yolu” SC-nin sədri Mamuka Baxtadze iştirak ediblər.

Tədbirdə ölkələrarası yük axınının artırılması, həmçinin Transxəzər Beynəlxalq Nəqliyyat Marşrutunun (TBNM) səmərəli istifadəsi müzakirə olunub. Avrasiyada perspektiv nəqliyyat dəhlizlərindən biri kimi TBNM-in vacibliyi qeyd olunub. Eyni zamanda, bu dəhlizin potensialından istifadə edilməsinin, bu istiqamətə yük axınının cəlb edilməsinin zəruriliyi vurğulanıb.

Tərəflər TBNM-in Avropa İttifaqı ölkələrinə çıxışı üçün əməkdaşlıq coğrafiyasının genişləndirilməsi üzrə işlərin davam etdirilməsi məsələsində razılığa gəliblər.

Nəqliyyat istifadəçiləri üçün maksimal dərəcədə əlverişli şəraitin yaradılması bu sahədə səmərəliliyin və rəqabətə dayanıqlılığın yüksəlməsini təmin edəcək. Buraya yükdaşıyıcılarına göstərilən xidmətlərin “bir pəncərə” rejimində təqdim olunması, onlara edilən təkliflər spektrinin genişləndirilməsi, yükdaşımalarında məcburi prosedurların optimizasiya və unifikasiyası kimi məsələlər aiddir.

TBNM infrastrukturunun inkişafı, eləcə də “Cənub-Qərb” və “Şimal-Cənub” nəqliyyat dəhlizləri üzrə tranzit yük axınının artırılması məsələləri də müzakirə olunub.

Bildirilib ki, “Şimal-Cənub” Beynəlxalq Nəqliyyat Dəhlizi əsasən Hindistandan və İran Körfəzi regionundan, yüklərin Rusiya, Qərbi Avropa, Baltikyanı və Skandinaviya ölkələrinə çatdırılmasına hesablanıb. Bu dəhlizin digər marşrutlarla müqayisədə əsas üstünlüyü isə tranzit məsafəsinin və tranzit vaxtının iki-üç dəfə az olmasıdır. “Şimal-Cənub” Beynəlxalq Nəqliyyat Dəhlizi Şimali Avropanı Cənub-Şərqi Asiya ilə birləşdirir. Proqnozlar göstərir ki, tam gücü ilə fəaliyyət göstərəcəyi təqdirdə ölkələrimiz arasında əlaqələrinin intensivləşdirilməsinə şərait yaradacaq.

Görüşün yekununa dair müvafiq Protokol imzalanıb.

Eyni zamanda nümayəndə heyətlərinin rəhbərləri səfər çərçivəsində Ukraynanın baş naziri Vladimir Qroysmanla görüşüblər.


5 Mar 2021
İqtisadiyyat

Kiçik dövlət müəssisələri özəlləşdirildi

İqtisadiyyat Nazirliyi yanında Əmlak Məsələləri Dövlət Xidməti tərəfindən növbəti özəlləşdirmə hərracı təşkil olunub.

5 Mar 2021
İqtisadiyyat

Ölkəmizdə su ehtiyatları peyk təsvirləri vasitəsilə tədqiq ediləcək

“Azərkosmos”da “Virtual Azerbaijan Group of Companies”in təşəbbüsü ilə su ehtiyatlarının qiymətləndirilməsinə dair görüş keçirilib.

5 Mar 2021
İqtisadiyyat

Azərbaycan nefti kəskin bahalaşdı

Azərbaycan neftinin qiyməti artmaqda davam edir.