Kiberhücum qurbanlarına kömək üçün təşkilat yaradılacaq

Kiberhücum qurbanlarına kömək üçün təşkilat yaradılacaq
11 2019 15:10

"Microsoft" korporasiyası və "Hewlett Foundation" fondu "Cyber Peace Institute" adlı qeyri-kommersiya təşkilatı yaradacaqlar. Təhlükəli kiberhücumlar barədə xəbərdarlıq edəcək və zərərçəkənlərə kömək göstərəcək təşkilatın yaxın bir neçə həftə ərzində fəaliyyətə başlayacağı gözlənilir.

 

"ICTnews" Elektron Xəbər Xidməti "SecurityLab" resursuna istinadən yazır ki, Las-Veqasda keçirilən "B-Sides" konfransında verilən məlumata görə, "Cyber Peace Institute" mütəxəssisləri təhqiqatlar aparacaq, mülki hədəflərə miqyaslı kiberhücumlar haqqında analitik informasiya təqdim edəcək, xərcləri qiymətləndirəcək, həm ayrı-ayrı şəxsləri, həm də şirkətləri təhlükəsizlik alətləri ilə təchiz edəcəklər.

 

Bildirilir ki, təşkilata "Microsoft" və "Hewlett Foundation" ilə yanaşı, "Facebook", "Mastercard" və "Ford Foundation" daxil olacaq. Lakin "Cyber Peace Institute" onun maliyyələşdirilməsi ilə məşğul olan heç bir şirkətdən asılı olmayacaq.

 

"Hewlett Foundation" tərəfindən təşkilata növbəti beş il üçün 5 milyon dollar ayrılıb. "Facebook" şirkətinin isə 250 min dollar ayıracağı gözlənilir. Təşkilatın maliyyələşdirilməsində iştirak edəcək "Microsoft" və "Mastercard" şirkətləri tərəfindən hansı məbləğin təqdim ediləcəyi barədə məlumat verilmir.

Realpress.az


28 Yan 2020
İT

Daşınan elektronika üçün elastik akkumulyator hazırlanıb

Bu gün cihazlar üçün istifadə edilən litium-ion akkumulyatorları bərkdir və ölçüsü böyükdür . Onlar çox yer tutur, hətta zədələnmə zamanı alışma riskinə görə təhlükəlidir. Amerikalı alimlər sıxılma və dartılma kimi mexaniki təsirlərə dayanıqlı elastik polimer batareya hazırlamağa nail olublar.

28 Yan 2020
İT

Dünyanın ən böyük ikimotorlu sərnişin təyyarəsi ilk uçuşunu edib (VİDEO)

İkimotorlu hava gəmiləri arasında dünyanın ən böyük "Boeing 777-9X" sərnişin təyyarəsi yanvarın 25-də 4 saat davam edən ilk sınaq uçuşunu həyata keçirib.  

28 Yan 2020
İT

Rusiya və yapon alimləri qrafendən əbədi SSD daşıyıcılar hazırlayıblar

Rusiyanın "MİSiS" Milli Elmi Tədqiqat Texnologiya Universiteti və Yaponiyanın Milli Kvant Elmləri və Radiologiya İnstitutunun mütəxəssisləri sərtgövdəli disk və fləş daşıyıcıların tutumunu xeyli artırmağa imkan verən material hazırlayıblar. Bundan başqa, sözügedən material belə daşıyıcıların əsas problemini (yenidən yazma limiti) aradan qaldıracaq.

28 Yan 2020
İT

Bu il dünyada rouminq abunəçilərinin sayı 900 milyona çatacaq

“Juniper Research” tədqiqat şirkəti 2020-ci ildə dünyada rouminq xidmətlərindən istifadə edən mobil rabitə abunəçilərinin sayının 900 milyon təşkil edəcəyini, 2024-cü ildə isə bu göstəricinin 1,1 milyarda çatacağını proqnozlaşdırır.  

28 Yan 2020
İT

“Sharp” şirkəti “OLED” televizorlar bazarına daxil olur

“Sharp” şirkəti üzvi işıq diodlu (OLED) ekranlarla təchiz edilən televizorlar bazarına daxil olacaq. Yaponiya istehsalçısı belə ekranları Cənubi Koreyanın “LG Display” şirkətindən almağı planlaşdırır.