İtaliyada Xocalı qurbanları anılıb

İtaliyada Xocalı qurbanları anılıb
07 2017 17:49

Xocalı soyqırımının 25 illiyi ilə əlaqədar İtaliyanın Milan Provinsiyasının Busto Garolfo şəhərində yerli ictimaiyyətin iştirakı ilə anım gecəsi keçirilib.

Diasporla İş üzrə Dövlət Komitəsinin mətbuat xidmətindən Trend-ə verilən məlumata görə, tədbirin təşkilatçıları Azərbaycanın İtaliyadakı səfirliyi, Busto Garolfo şəhər bələdiyyəsi, Orizon Akademiyası və İtaliyada Azərbaycan Mədəniyyət Assosiasiyasıdır.

Anım gecəsində səfirliyin birinci katibi Erkin Heydərli qonaqları salamlayaraq onlara, xüsusilə də Milan Provinsiyası Bələdiyyəsinin başçısına tədbirdə iştirakına və mərasimin təşkilində göstəridiyi dəstəyə görə minnətdarlığını bildirib. Daha sonra Azərbaycanın tarixi və müasir dövrü haqqında qısa məlumat verən E.Heydərli Ermənistan-Azərbaycan, Dağlıq Qarabağ münaqişəsi, Xocalı soyqırımı barədə geniş danışıb. Ermənistan silahlı qüvvələrinin Xocalı şəhərində həyata keçirdiyi soyqımı, uşaqlara, qadınlara, xəstələrə və dinc əhaliyə qarşı törədiyi vəhşiliklər, öz torpağında günahsız insanların amansızcasına qətlə yetirilməsi iştirakçıların diqqətinə çatdırılıb.

İtaliyada Azərbaycan Mədəniyyət Assosiasiyasının prezidenti Mais Nuriyev Xocalı soyqırımından 25 il keçsə də, azərbaycanlıların yaddaşından bu faciəsnin nəinki silinmədiyini, əksinə daha dərin izlər buraxdığını və daha önəmli tarixə çevrildiyini qeyd edib. Milan Provinsiyası Bələdiyyə başçısının xanımı Buondi Susanna isə Azərbaycan dostluq əlaqələrindən danışıb. B.Susanna soyqırımı hadisələrinin ağrılarını hiss etdiyini bildirib.

Tədbirdə Xocalı soyqırımından bəhs edən film nümayiş etdirilib. Daha sonra İtaliya Akademiyasının dosenti, xoreoqraf Mais Nuriyevin “Xocalı” kompozisiyası tamaşaçılara təqdim edilib. Ardınca tanınmış italyan şairi, Milan Konservatoriyasının professoru, Azərbaycan Yazıçılar İttifiqanın üzvü, Vladimir Delman adına xorun bədii rəhbəri Davide Gualtieri “Xocalı” şeirini bəstələdiyi musiqinin müşayiəti ilə səsləndirib. Həmin şeri Azərbaycan dilində İtaliyada Azərbaycan Assosiasiyasının prezidenti Mais Nuriyev ifa edib. Daha sonra bir çox Azərbaycan şairlərinin şeirləri italyan dilində rəqs və musiqinin müşayiəti ilə səsləndirilib. M.Nuriyev və D.Gualtieri Günel Anarqızının “Qarabağ hekayələri”nin bir hissəsini də italyanca tamaşaçılara təqdim edib.

Tədbirin sonunda iştirakçılar Qarabağ, Xocalı həqiqətlərinə dair müzakirələr aparıb, soyqırımı aktını törədənləri pisləyib. Azərbaycanı sevdiklərini bildirən qonaqlar ölkəmizə səfər etmək arzusundan olduqlarını dilə gətiriblər. Milan kollecinin baş müəllimi Xocalıya həsr edilmiş tamaşanın, rəhbərlik etdiyi kollecdə göstəriləcəyini deyib.

Anım gecəsinin keçirildiyi məkanda Xocalı soyqırımına həsr olunmuş xüsusi guşə yaradılıb. Burada “Xocalıya ədalət” şüarları, broşurlar, Xocalı həqiqətləri haqqında müxtəlif kitablar, şəkillər sərgilənib. Bəzi kitablar qonaqlara hədiyyə edilib.


23 Sent 2020
Hərbi

Müdafiə Nazirliyi ordumuzun təlimlərinin görüntülərini paylaşdı - VİDEO

Müdafiə nazirinin təsdiq etdiyi 2020-ci ilin döyüş hazırlığı planına uyğun olaraq, Raket və Artilleriya birləşmələrinin döyüş atışlı taktiki təlimləri keçirilib.

23 Sent 2020
Hərbi

Müdafiə Nazirliyindən cəbhədəki son vəziyyətlə bağlı AÇIQLAMA

Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan və snayper tüfənglərindən istifadə etməklə, sutka ərzində atəşkəs rejimini 49 dəfə pozub.

22 Sent 2020
Hərbi

Şəhid polkovnikin oğlu: "Hər bir vətənpərvər gənc kimi hərbi təlimlərdə iştirak etməyə hazıram"

Səfərbərlik və Hərbi Xidmətə Çağırış üzrə Dövlət Xidmətinin keçirdiyi təlimlər çox gözəl bir addımdır.

22 Sent 2020
Hərbi

Zirehli texnikaların ekipajları döyüş vərdişlərini təkmilləşdirirlər - VİDEO

Müdafiə nazirinin təsdiq etdiyi 2020-ci ilin döyüş hazırlığı planına uyğun olaraq piyadaların döyüş maşınları (PDM), zirehli transportyorlar (ZTR) və digər döyüş maşınlarının ekipajları döyüş vərdişlərini təkmilləşdirirlər.

22 Sent 2020
Hərbi

Müdafiə Nazirliyi cəbhə xəttindəki vəziyyətlə bağlı məlumat yaydı

Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan və snayper tüfənglərindən də istifadə etməklə, sutka ərzində atəşkəs rejimini 33 dəfə pozub.