İsveçrə naziri: Azərbaycan Avropa ilə Mərkəzi Asiya arasında iqtisadi və mədəni baxımdan körpü rolunu oynayır

İsveçrə naziri: Azərbaycan Avropa ilə Mərkəzi Asiya arasında iqtisadi və mədəni baxımdan körpü rolunu oynayır
03 2017 17:55

Azərbaycan Avropa ilə Mərkəzi Asiya arasında təkcə coğrafi deyil, həmçinin iqtisadi və mədəni baxımdan körpü rolunu oynayır.

Bu fikir Azərbaycan ilə İsveçrə arasında diplomatik əlaqələrin qurulmasının 25 illiyi münasibətilə İsveçrə Federal Xarici İşlər Departamentinin rəhbəri Didye Burkhalterin xarici işlər naziri Elmar Məmmədyarova ünvanladığı təbrik məktubunda öz əksini tapıb.

Xarici İşlər Nazirliyinin mətbuat xidmətindən AZƏRTAC-a bildiriblər ki, D.Burkhalter Azərbaycan ilə İsveçrə arasında yüksək səviyyəli münasibətləri və son 25 il ərzində bir çox sahələrdə inkişaf edən əməkdaşlığı qeyd edib. İsveçrəli nazir mövcud tərəfdaşlığın ölkələrimiz arasında güclü bağları əks etdirdiyini vurğulayıb və bu əlaqələrin gələcəkdə daha da inkişaf edəcəyinə əminliyini bildirib. Didye Burkhalter dostluq ruhundan çıxış edərək Azərbaycan xalqına xoş arzularını çatdırdığını qeyd edib.

Nazir Elmar Məmmədyarovun isveçrəli həmkarına ünvanladığı məktubda isə iki ölkə arasında əməkdaşlıq üçün geniş potensialın olduğu və müxtəlif sahələri əhatə edən tərəfdaşlığın inkişaf etdiyi vurğulanıb. Məktubda tərəflər arasında dinamik siyasi dialoqun və parlamentlərarası əlaqələrin əhəmiyyəti qeyd edilib. İsveçrənin 70-dən çox şirkətinin Azərbaycanda, SOCAR-ın isə bu ölkədəki uğurlu fəaliyyətinə toxunan E.Məmmədyarov ölkəmizdəki nəqliyyat və dəmir yolu layihələrinə İsveçrə şirkətlərinin cəlb olunmasının ikitərəfli münasibətlərə töhfə verdiyini, eləcə də bu ölkə üçün regional perspektivdə Uzaq Şərqdən Şimali Avropaya qədər böyük coğrafiyada geniş imkanlar açdığını qeyd edib. E.Məmmədyarov təhsil, mədəniyyət, kənd təsərrüfatı, turizm və digər sahələrdə ikitərəfli əməkdaşlığın inkişafını vurğulayıb.


30 Sent 2020
Siyasət

Türkiyə Milli Müdafiə Nazirliyindən Xocalı soyqırımının görüntüləri ilə Ermənistana reaksiya - VİDEO

Türkiyə Milli Müdafiə Nazirliyi 1992-ci ildə Ermənistanın Xocalıda törətdiyi soyqırımla bağlı görüntüləri paylaşıb.

30 Sent 2020
Siyasət

İlham Əliyev: “Azərbaycan əsgəri, Azərbaycan zabiti öz vətəndaşlıq borcunu şərəflə yerinə yetirir”

Sentyabrın 27-də erməni silahlı birləşmələri bizə qarşı növbəti hərbi təxribat törədib. Mən onları xəbərdar etmişdim. Onlara BMT kürsüsündən sözlərimi demişdim. Bütün beynəlxalq ictimaiyyətə sözlərimi demişdim ki, Ermənistan yeni müharibəyə hazırlaşır, Ermənistan dayandırılmalıdır. Əfsuslar olsun ki, beynəlxalq ictimaiyyət və bu məsələ ilə məşğul olan tərəflər erməni hökumətinə lazımi səviyyədə təsir edə bilməmişlər. Əgər onlar işğalçını dayandıra bilmirlərsə, Azərbaycan əsgəri onları dayandıracaqdır. Azərbaycan əsgəri onları öz torpaqlarından çıxaracaq və haqq-ədaləti bərpa edəcək. Mən demişdim ki, əgər iyul və avqust aylarında bizə qarşı törədilmiş həbi təxribatlar təkrarlanarsa, Ermənistan peşman olacaq və sözümün üstündə dururam. Bu gün döyüş meydanında əldə olunmuş üstünlük, azad edilmiş yaşayış məntəqələrimiz, strateji yüksəkliklər bir daha onu göstərir ki, Azərbaycan əsgəri, Azərbaycan zabiti öz vətəndaşlıq borcunu şərəflə yerinə yetirir.

30 Sent 2020
Siyasət

Prezident: “Erməni xalqı əgər sülh şəraitində yaşamaq istəyirsə, öz hakimiyyətini məsuliyyətə cəlb etsin”

Erməni xalqı əgər sülh şəraitində yaşamaq istəyirsə, öz hakimiyyətini məsuliyyətə cəlb etsin. Çünki erməni xalqının bədbəxtliyi ondan ibarətdir ki, uzun illər ərzində ona quldur kriminal rejim rəhbərlik edib. O rejim ki, ancaq öz şəxsi maraqlarını güdmək üçün azərbaycanlılara qarşı soyqırımı törədib və bizim torpaqlarımızı işğal altında saxlayır.

30 Sent 2020
Siyasət

Hansı məktəblərdə tədrisin həftədə beş dəfəyə keçiriləcəyi bilindi - RƏSMİ

“Gündəlik korinavirusa yoluxma statistikasının az olması səbəbindən oktyabrın 1-dən etibarən Bakı, Sumqayıt şəhərləri, Abşeron yarımadasında I-IV siniflərin dərsə gəlməsi həftədə iki gündən üç günə keçiriləcək”.