İmaməddin Quliyev: Yaşlı tənha insanların təminatını təchiz etmək üçün könüllülərimiz onlarla öz əlaqə vasitələrini bölüşürlər

İmaməddin Quliyev: Yaşlı tənha insanların təminatını təchiz etmək üçün könüllülərimiz onlarla öz əlaqə vasitələrini bölüşürlər
26 2020 14:21

Koronavirusla mübarizədə ən vacib məqamlardan biri "Evdə qalın" çağırışlarına cavab verərək evdə qalmaq və bununla da ətrafdakı insanların virusa yoluxmasının qarşısını almaqdır.

Bunu Trend-ə Azərbaycan Könüllüləri İctimai Birliyinin sədri İmaməddin Quliyev deyib.

Onun sözlərinə görə, koronavirusla mübarizədə ən vacib məsələlərdən biri yaşı 65-dən yuxarı insanların təcrid edilmiş şəraitdə olmasıdır.

İ.Quliyev yaşlı təhna insanların təminatını təchiz etmək üçün könüllülərin fəaliyyət göstərməsinə hazır olduğunu da söyləyib:

"Prezident İlham Əliyev martın 24-də Mənzil İnşaatı Dövlət Agentliyinin ikinci layihəsi olan Hövsan yaşayış kompleksi ilə tanışlıqdan sonra Azərbaycan Televiziyasına verdiyi müsahibəsində "Yaşlı tənha insanların təminatını təchiz etmək üçün sosial işçilərin səfərbərliyi nəzərdə tutulur və onlar bu işi görəcəklər. Eyni zamanda, fürsətdən istifadə edərək çoxminli könüllülər ordusuna da müraciət etmək istəyirəm. Hesab edirəm ki, bizim könüllülərimiz də bu işlərə qoşulmalıdırlar" fikirlərini söyləmişdi, Biz də digər təşkilatlar kimi, Prezident İlham Əliyevin çağırışına dəstək olaraq bu isitiqamətdə görülən işləri dəstəkləyirik".

Təşkilat sədri bildirib ki, könüllülər bu istiqamətdə sosial şəbəkələrdə xüsusilə fəallıq göstərirlər:

"Yaşlı tənha insanların təminatını təchiz etmək üçün könüllülərimiz onlarla öz əlaqə vasitələrini bölüşürlər ki, ehtiyac yarandıqda əlaqə saxlasınlar, bu işdə onlara kömək ola bilsinlər. Eyni zamanda, könüllülər öz yaşadıqları yaşayış massivlərində də xüsusi elanlar vuraraq bu xeyirli işə dəstək olduqlarını nümayiş etdirirlər. Mən özüm də yaşadığım binada yaşlı insanlara könüllü olaraq dəstək ola biləcəyimi elanla bölüşmüşəm. Biz regionlarda yaşayan gəncləri də bu işdə fəal olmağa, xüsusilə böyüklərimizi qorumağa çağırırıq".


25 Sent 2021
Cəmiyyət

Ceyhun Bayramov Ermənistan XİN rəhbəri ilə görüşdü

BMT Baş Assambleyasının 76-cı sessiyası çərçivəsində qarşı tərəfin təşəbbüsü əsasında Azərbaycan Respublikası xarici işlər naziri Ceyhun Bayramovun ATƏT-in Minsk Qrupunun həmsədrləri ABŞ-dan Endryu Şafer, Fransadan Stefan Viskonti və Rusiyadan İqor Xovayev ilə, habelə həmsədrlərin iştirakı ilə Ermənistan xarici işlər naziri Ararat Mirzoyan ilə görüşləri olub.

25 Sent 2021
Cəmiyyət

Ceyhun Bayramov BMT-də daha beş həmkarı ilə görüşüb – FOTO

Azərbaycan Respublikası xarici işlər naziri Ceyhun Bayramov BMT Baş Assambleyasının 76-cı sessiyası çərçivəsində Qoşulmama Hərəkatına (QH) üzv dövlətlərdən Qvatemala xarici işlər naziri Pedro Brolo Vila, Suriya xarici işlər naziri Faisal Mekdad, Sent-Kits və Nevis Federasiyasının xarici işlər naziri Mark Brantli, Qrenada xarici işlər naziri David Piter və Lesoto Krallığının Xarici İşlər və Beynəlxalq Əlaqələr naziri Matsepo Ramakoa ilə ikitərəfli görüşlər keçirib.

25 Sent 2021
Cəmiyyət

“Vüqar Həşimov” komandası klublararası Avropa kubokunda medal qazanıb – FOTO

Makedoniyanın Struqa şəhərində kişi şahmatçılar arasında klublararası Avropa kuboku yarışında Azərbaycan komandası bürünc medal qazanıb.

25 Sent 2021
Cəmiyyət

Hikmət Hacıyev İranın xarici işlər nazirinin müavini ilə görüşüb - FOTO

“İran İslam Respublikası xarici işlər nazirinin ikitərəfli və regional məsələlər üzrə müavini Dr. Seyid Səccadpurla müzakirələrimiz çox xoş keçdi”.

25 Sent 2021
Cəmiyyət

Ceyhun Bayramov Aİ-nin xarici və təhlükəsizlik məsələləri üzrə ali nümayəndəsi ilə görüşüb – FOTO

24 sentyabr 2021-ci il tarixində xarici işlər naziri Ceyhun Bayramov BMT Baş Assambleyasının 76-cı sessiyasında iştirakı çərçivəsində Avropa İttifaqının xarici və təhlükəsizlik məsələləri üzrə ali nümayəndəsi Cozef Borel ilə görüşüb.