İlham Əliyev Paşinyanı diplomatik nokauta saldı - ŞƏRH

İlham Əliyev Paşinyanı diplomatik nokauta saldı - ŞƏRH
04 Okt 2019 11:51


Azərbaycan Prezidenti İlham Əliyev “Valday” Beynəlxalq Diskussiya Klubunun plenar sessiyasında çıxışı zamanı Dağlıq Qarabağ münaqişəsinə toxunub.

Realpress.az-ın məlumatına görə, Milli Məclisin deputatı, politoloq Sahib Alıyev mövzu ilə bağlı şərh verib.

O bildirib ki, Ermənistanın Baş naziri Nikol Paşinyanın “Qarabağ Ermənistandır və nöqtə” sayıqlamasına Azərbaycan Prezidenti İlham Əliyev “Qarabağ - Azərbaycandır və nida işarəsi” deməklə cavab verib.

“Ermənistanın Baş naziri Nikol Paşinyan o sözləri Xankəndidə demişdi. Dövlət başçımız isə Rusiya Prezidenti Vladimir Putinlə, Xarici İşlər naziri Sergey Lavrovun və dünyanın onlarla tanınmış beyin mərkəzlərinin analitiklərinin qarşısında “Valday” Beynəlxalq Diskussiya Klubunun plenar sessiyasındakı çıxışı zamanı onun cavabını verdi”, - deyə S.Alıyev əlavə edib.

Deputatın sözlərinə görə, Azərbaycanın dövlət başçısı Ermənistan Baş nazirinin sözlərinin, doğrudan da sayıqlama olduğunu, həddini aşdığını dəqiqliklə əsaslandırdı:

“Paşinyan özü orda olsa belə, etiraz etməyə söz tapmayacaqdı. Mənə elə gəlir ki, Paşinyanın cavabını vermək üçün bundan doğru zaman, uyğun auditoriya, eləcə də, yer ola bilməzdi. diplomatik nokaut deyilən bir anlayış varsa, bu, o olsun gərək”.

Beynəlxalq Münasibətlərin Təhlili Mərkəzinin sədri Fərid Şəfiyev realpress.az-a açıqlamasında deyib ki, Prezident İlham Əliyevin çıxışı ilə Azərbaycanın beynəlxalq aləmdə mövqeyi bir daha təsdiq olundu.

“Cənab Prezident Qarabağın Azərbaycanın tarixi əraziləri olduğunu vurğuladı”, - deyə F.Şəfiyev bildirib.

Ekspert Azərbaycan Prezidentinin rusiyalı həmkarı Vladimir Putinlə görüşünün nəticəsinə də toxunub:  

“Nəticə ilə bağlı danışmaq hələ tezdir. Ancaq ümumən hesab edirəm ki, Rusiya Prezidentinin Yerevan səfərindən sonra Azərbaycanın dövlət başçısı ilə görüşməsi əlamətdar hadisə idi. Hesab edirəm ki, bu, Rusiya tərəfinin Azərbaycana diqqətinin göstəricisidir. Hər iki ölkə üçün dostluq münasibətlərinin, strateji tərəfdaşlığın inkişafı vacibdir”.


5 İyul 2020
Siyasət

Vilayət Eyvazovdan DYP-də kadr dəyişikliyi

Daxili İşlər naziri general-polkovnik Vilayət Eyvazovun əmri ilə yol polisində daha bir yerdəyişmə edilib.

4 İyul 2020
Siyasət

Mehriban Əliyevanın göstərişi ilə daha bir şəhid ailəsinin mənzil problemi həll olundu - FOTO

Bu gün daha bir şəhid ailəsinin mənzil problemi ölkənin Birinci vitse-prezidenti Mehriban Əliyevanın diqqəti sayəsində həll olunub.

3 İyul 2020
Siyasət

Azərbaycanın yüksək beynəlxalq nüfuzunun daha bir göstəricisi

 “Azərbaycan koronavirus pandemiyasına qarşı qlobal mübarizədə həmişə  fəal mövqeyi, bu sahədə digər ölkələrlə konkret həmrəyliyi ilə fərqlənib. Ölkə Prezidenti cənab İlham Əliyevin təşəbbüsü ilə Ümumdünya Səhiyyə Təşkilatına 10 milyon dollar məbləğində könüllü ianənin ayrılması və 30-dan artıq dövlətə humanitar yardımın göstərilməsi məhz  beynəlxalq  həmrəyliyin bariz nümunəsi kimi dəyərləndirilməlidir”. Bu  sözləri  Azərbaycan Respublikası  Milli Məclisinin  deputatı Kamaləddin Qafarov  söyləyib.

3 İyul 2020
Siyasət

Dünya ölkələri Azərbaycan Prezidentinin ideyası ətrafında birləşdi - VİDEO

Dünya müharibəsi ilə müqayisə olunan COVID-19 pandemiyası şəraitində qlobal həmrəyliyə və qlobal baxışa böyük ehtiyac var.