Hamburqda “Ermənistan-Azərbaycan Sülh Platforması” müzakirə edilib

Hamburqda “Ermənistan-Azərbaycan Sülh Platforması” müzakirə edilib
09 Dek 2016 12:47

ATƏT Parlament Assambleyasının (PA) Humburqda keçirilən büro iclasında “Ermənistan-Azərbaycan Sülh Platforması” müzakirə edilib. Bu barədə AZƏRTAC-a “Eurasia Diary” beynəlxalq informasiya portalının Hamburqa ezam olunmuş müxbiri Ayaz Mirzəyev məlumat verib.

ATƏT PA-nın vitse–prezidenti Azay Quliyev iclasda çıxış edərək Ermənistan-Azərbaycan, Dağlıq Qarabağ münaqişəsinin həll olunmamasının narahatlıq doğurduğunu söyləyib. Vitse-prezident deyib: “Aprel hadisələri göstərdi ki, bu münaqişə ilə bağlı yaranmış vəziyyət çox təhlükəlidir və münaqişə istənilən an yenidən alovlana, bölgə üçün ciddi fəlakətə səbəb ola bilər. Buna görə də Almaniyanın xarici işlər naziri və ATƏT-in fəaliyyətdə olan sədri Frank-Valter Ştaynmayerin söylədiyi kimi, bugünkü status-kvo həm təhlükəlidir, həm də qəbuledilməzdir”.

Azay Quliyev təəssüflə bildirib ki, may və iyun aylarında prezidentlər səviyyəsində aparılan danışıqlara az da olsa ümid olsa da, bu ümidlər özünü doğrultmadı və problemin həlli istiqamətində heç bir addım atılmadı. Hətta bəzi həmsədr ölkələrin münaqişənin həlli perspektivi ilə bağlı verdikləri pessimist bəyanat danışıqlara olan ümidi daha da sarsıtdı.

Münaqişənin həll olunmamasında rəsmi Yerevanın məsuliyyət daşıdığını bildirən vitse-prezident yaranmış vəziyyəti iclas iştirakçılarının diqqətinə çatdırıb: “Ermənistan rəhbərliyinin münaqişəni sülh yolu ilə həll etmək istəməməsi hər iki ölkənin vətəndaş cəmiyyəti nümayəndələrinin sülhyaratma təşəbbüsünü ələ almağa və öz mövqelərini açıq şəkildə bildirməyə vadar edib. Çünki insanlar artıq bu münaqişənin davam etməsindan bezib və yorulublar. Belə ki, bu ilin noyabr ayında münaqişənin tarixində ilk dəfə olaraq Ermənistan QHT-ləri və hüquq müdafiəçiləri Azərbaycandan olan həmkarları ilə bir araya gələrək Dağlıq Qarabağ münaqişəsinin həlli yollarını geniş müzakirə edərək Ermənistan və Azərbaycan prezidentlərinə və xalqlarına müraciət qəbul etdilər. Müraciətdə münaqişənin həlli yolları ilə bağlı hər iki cəmiyyətin istək və arzuları və prinsipial mövqeləri əks olunub. İki gün öncə isə hər iki ölkədən olan QHT-lər “Ermənistan-Azərbaycan Sülh Platforması” adlı təşkilat yaradaraq problemin həlli istiqamətində yeni bir hərəkatın əsasını qoydular. Ümid edirəm ki, bu platforma Dağlıq Qarabağ münaqişəsinin həllinə erməni və Azərbaycan xalqlarının dəstəyini təmin etməyə və uzun müddət minlərlə insanın ölümünə səbəb olan qanlı qarşıdurmanın aradan qalxmasına töhfə verəcək”.

Sonda Azay Quliyev ATƏT-in Minsk qrupunun həmsədrlərini bölgədə etimad və sülhyaratma baxımından unikal imkanlara malik bu platforma ilə yaxında əməkdaşlıq etməyə və platformanın potensialından maksimum faydalanmağa çağırıb.


4 Dek 2023
Siyasət

Azərbaycanda tikinti materiallarının istehsalına 60 min manat güzəştli kredit verilib - FOTO

İqtisadiyyat Nazirliyinin Sahibkarlığın İnkişafı Fondu “Baku Stone Factory” MMC-yə tikinti materiallarının istehsalı layihəsi üçün 60 min manat güzəştli kredit ayırıb.

4 Dek 2023
Siyasət

Prezident İlham Əliyev Malayziyanın Azərbaycana yeni təyin olunmuş səfirini qəbul edib - YENİLƏNİB + FOTO

Azərbaycan Respublikasının Prezidenti İlham Əliyev dekabrın 4-də Malayziyanın ölkəmizdə yeni təyin olunmuş fövqəladə və səlahiyyətli səfiri Ahmad Kamrizamil Bin Mohd Rzanın etimadnaməsini qəbul edib.

4 Dek 2023
Siyasət

Ərdoğanın müavini Azərbaycanda səfərdədir

Türkiyənin Ədalət və İnkişaf Partiyası (AK Parti) sədrinin xarici əlaqələr üzrə müavini, İstanbul millət vəkili Zəfər Sırakayanın rəhbərlik etdiyi nümayəndə heyəti Bakıda səfərdədir.

4 Dek 2023
Siyasət

Prezident İlham Əliyev Malayziyanın Azərbaycana yeni təyin olunmuş səfirini qəbul edib

Azərbaycan Respublikasının Prezidenti İlham Əliyev dekabrın 4-də Bakıda Malayziyanın ölkəmizə yeni təyin olunmuş fövqəladə və səlahiyyətli səfiri Ahmad Kamrizamil Bin Mohd Rzanın etimadnaməsini qəbul edib.

4 Dek 2023
Siyasət

Sabahın hava proqnozu açıqlanıb

Dekabrın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.