Çinin ikinci ən böyük smartfon və telekommunikasiya avadanlığı istehsalçısı “ZTE” şirkəti istifadəçinin göz bəbəyinin hərəkəti vasitəsilə verilən komandaları yerinə yetirən smartfon hazırlanmasını açıqlayıb.
AZƏRTAC “TASS”a istinadən xəbər verir ki, şirkət nümayəndələrinin sözlərinə görə, smartfon ön kamerada quraşdırılan xüsusi texnologiya sayəsində gözlərin hərəkətinə reaksiya verir. Qurğunun üst tərəfi onu asanlıqla divara bərkitməyə və ehtiyac yarandıqda çıxartmağa imkan verən xüsusi materialla örtüləcək.
Layihə iştirakçıları bildirirlər ki, yeni qurğu sayəsində istifadəçi əksər gündəlik vəziyyətlərdə həyatını asanlaşdıra biləcək (məsələn, bir əllə tutacaqdan tutmağın, digəri ilə telefonu saxlamağın lazım olduğu metroda). Bunun üçün virtual səhifələri dəyişməyə ehtiyac qalmayacaq və gözləri yalnız fırlatmaq tələb olunacaq.
Mütəxəssislər qeyd ediblər ki, hazırda yeni smartfon sınaq, eləcə də layihənin gələcək maliyyələşməsi ilə bağlı bir sıra detalların razılaşdırılması mərhələsindədir.
“ZTE” məhsulu ictimaiyyətə bu ilin sentyabrında təqdim etməyi planlaşdırır.
Qeyd edək ki, “ZTE” şirkəti Çində həm dünya smartfon istehsalçılarından “Samsung Electronics”, “Apple”, “Huawei”, həm də “Lenovo” və “Xiaomi” kimi yerli şirkətlərlə rəqabət aparır.
Qırğızıstanın keçmiş prezidenti Almazbek Atambayev paytaxtın 1 saylı istintaq təcridxanasından məhkumların ixtisaslı tibbi yardım ala biləcəyi başqa bir koloniyaya köçürüldükdən sonra aclıq aksiyasını dayandırıb.
Ermənistanı dəstəkləyən etirazçılar Fransanın İzer şəhərində magistral yolu bağlayaraq işə gedən türkiyəlilərə hücum ediblər.
“Amnesty International” və “Human Rights Watch” İnsan haqları təşkilatlarını Ermənistanın soyqırımı cinayətlərini yerində qiymətləndirməyə dəvət edirik”.
