Dekabrın 8-də Azərbaycan Dillər Universitetinin (ADU) tələbə gənclər təşkilatının nəzdində fəaliyyət göstərən Tələbə Diplomatlar Klubu üzvlərinin Azərbaycan Respublikasının Prezidenti Administrasiyasının ictimai-siyasi məsələlər şöbəsinin gənclər təşkilatları ilə iş sektorunun müdiri Vüsal Quliyevlə görüşü keçirilib. Görüş “Ali qonaqlar, elmi maraqlar” layihəsi çərçivəsində təşkil edilib.
Universitetdən AZƏRTAC-a bildiriblər ki, tədbirdən öncə bu ali təhsil ocağının tədris işləri üzrə prorektoru, professor Əfqan Abdullayev qonağa ADU-nun təhsil sistemi, fakültə və kafedraları barədə məlumat verib.
Tələbələrlə görüşdə V.Quliyev təmsil etdiyi sektorun gənclər təşkilatları ilə əlaqələrin inkişaf etdirilməsi, onlarla iş aparan dövlət orqanlarının və digər qurumların fəaliyyətinin əlaqələndirilməsi funksiyasını həyata keçirdiyini bildirib. Gənclərin fəaliyyətinin dövlət tərəfindən yüksək qiymətləndirildiyini qeyd edən sektor müdiri müasir gəncliyin dövlət siyasətinin bir hissəsi olduğunu və onların həyata keçirdiyi təşəbbüslərin dövlətimizin başçısı tərəfindən daim dəstəkləndiyini bildirib.
V.Quliyev gəncləri dövlətimizin onlar üçün yaratdığı imkanlardan səmərəli istifadə etməyə çağırıb.
Sonra tələbələrin sualları cavablandırılıb.
“Azərbaycan Dəmir Yolları” QSC (ADY) qarşıdan gələn bayram günlərində sərnişin tələbatını təmin etmək məqsədilə yanvarın 3-də Bakıdan Qəbələyə və Qəbələdən Bakıya əlavə qatar reysləri təyin edir.
Bu ilin yanvar-noyabr aylarında xarici ölkələrə gedən Azərbaycan vətəndaşlarının ümumi sayı ötən ilin eyni dövrü ilə müqayisədə 16,9 % artaraq 1 milyon 998,9 min nəfər olub.
2026-cı ilin sonuna qədər 140 min vətəndaşımız azad edilmiş ərazilərdə məskunlaşacaq.
