Gəmilərdə baş vermiş real hadisələr üzrə inzibati icraatın təhlilinə dair seminar keçirilib

Gəmilərdə baş vermiş real hadisələr üzrə inzibati icraatın təhlilinə dair seminar keçirilib
10 2017 10:13

Azərbaycan Respublikası Dövlət Dəniz Administrasiyasında Avropa İttifaqı tərəfindən maliyyələşdirilən “Azərbaycan Respublikasında dəniz nəqliyyatı sahəsində məsuliyyətin artırılmasında Dövlət Dəniz Administrasiyasına dəstək” adlı tvinninq layihəsi çərçivəsində “Müxtəlif növ gəmilərdə baş vermiş real hadisələr üzrə inzibati icraatın təhlili”nə dair seminar keçirilib.

Administrasiyanın mətbuat xidmətindən AZƏRTAC-a bildirilib ki, layihənin başlıca məqsədi Azərbaycanda dəniz üzgüçülüyünün təhlükəsizliyi və dənizin gəmilərdən çirkləndirilməsinin qarşısının alınması ilə əlaqədar beynəlxalq konvensiyalarda nəzərdə tutulmuş məsuliyyət prosedurlarının Avropa İttifaqı qanunvericiliyi ilə əlaqəli şəkildə həyata keçirilməsi və tətbiqi məsələlərində Dövlət Dəniz Administrasiyasının potensialını gücləndirməkdən ibarətdir.

Tvinninq layihəsi çərçivəsində ölkəmizə dəvət olunan ispaniyalı mütəxəssislər - xanım I.G.Fernandez, kapitan L.Fernandez və R.Pastor tərəfindən İspaniya Krallığının inzibati xətalar və inzibati icraat sistemi, İspaniya Ticarət Gəmiçiliyi Məcəlləsinin tələblərinin pozulması halları, hüquq pozuntularının aşkar edilməsi, dəniz nəqliyyatı sahəsində korrupsiya hallarının aradan qaldırılması və şəffaflığın təmin edilməsi, müxtəlif şəxslər, səlahiyyətli orqanların agentləri, o cümlədən, Axtarış və Xilasetmə Agentliyinin əməkdaşları tərəfindən məlumatların verilməsi məsələləri ətraflı izah olunub, dənizin gəmilərdən çirklənməsi, liman nəzarəti, “Dənizdə əməyə dair” Beynəlxalq Konvensiya üzrə bir sıra praktiki məşğələlər aparılıb.

Seminarda Dövlət Dəniz Administrasiyasının və administrasiyanın tabeliyindəki Dəniz Üzgüçülüyünün Təhlükəsizliyi Mərkəzinin əməkdaşları ilə yanaşı, dənizçilər, vətəndaş cəmiyyəti institutlarının nümayəndələri və Bakı Dövlət Universitetinin dəniz və enerji hüququ fakültəsinin magistrantları iştirak ediblər.

Sonda iştirakçılara sertifikatlar təqdim olunub.


12 Okt 2022
İqtisadiyyat

"Artıq Azərbaycandan gübrə idxal edirik"

Moldova və Azərbaycan kənd təsərrüfatı sektorunda əməkdaşlığı genişləndirmək niyyətindədir.

11 Avq 2022
İqtisadiyyat

Rusiya şirkətləri Bakıda ixrac müqavilələri imzalayacaqlar

Rusiyanın Tula vilayətinin iş adamlarından ibarət nümayəndə heyəti Azərbaycanın paytaxtı Bakıda səfərdədir. Tula vilayətində istehsal edilən məhsulların Azərbaycana tədarükü ilə bağlı müqavilələrin imzalanması gözlənilir.

31 Yan 2022
İqtisadiyyat

Azərbaycandan pambıq ipliyinin ixracı üç dəfədən çox artıb

2021-ci il ərzində Azərbaycanın ixracı 22,2 mlrd. ABŞ dolları, qeyri-neft sektoru üzrə 2,7 mlrd. ABŞ dolları təşkil edib.

24 Yan 2022
İqtisadiyyat

Azərbaycanın qiymətli kağızlar bazarı 20% böyüyüb

2021-ci ildə Azərbaycanın qiymətli kağızlar bazarında 16 879,3 milyon manatlıq əməliyyat aparılıb.

22 Yan 2022
İqtisadiyyat

Manatın məzənnəsi ilə bağlı proqnoz AÇIQLANDI

Güman edirik ki, Azərbaycan manatın ABŞ dollarına qarşı 1 dollar/1,7 manat səviyyəsində olan sərt bağlılığını qoruyub saxlayacaq.