Fransalı reportyor Azərbaycan XİN-ə müraciət edib

Fransalı reportyor Azərbaycan XİN-ə müraciət edib
07 2017 12:26

Fransadan olan sərbəst reportyor Roman Myelkarek (Romain Mielcarek) Xarici İşlər Nazirliyinə (XİN) məktubla müraciət edərək jurnalist fəaliyyətini həyata keçirmək məqsədilə Azərbaycanın Ermənistan tərəfindən işğal olunmuş ərazilərinə səfər üçün akkreditasiya olunmasını və icazə verilməsini xahiş edib.

XİN-in Mətbuat xidmətinin rəhbəri Hikmət Hacıyev Oxu.Az-a bildirib ki, Roman Myelkarek Azərbaycanın beynəlxalq səviyyədə tanınmış sərhədləri daxilində ərazi bütövlüyü və suverenliyinə, qanunlarına hörmət etdiyini vurğulayıb.

“O, gələcəkdə Azərbaycanın işğal olunmuş ərazilərinə qanunsuz səfərlərdən çəkinəcəyinə dair zəmanət verib və xarici KİV nümayəndələrinin akkreditasiyası üçün nəzərdə tutulmuş müvafiq anket formasını təqdim edib.

Roman Myelkarekin bu müraciətini, Azərbaycanın qanunlarına riayət və hörmət etməsini nəzərə alaraq, onun adı arzuolunmaz şəxslər siyahısına salınmayıb”, - deyə H.Hacıyev bildirib.

H.Hacıyev qeyd edib ki, Roman Myelkarek 3-7 mart 2017-ci il tarixində Azərbaycanda olub, cəbhə bölgəsinə səfər edib, qaçqın və məcburi köçkünlərlə görüşüb, münaqişə ilə əlaqədar Azərbaycanın mövqeyi barədə məlumat alıb. 19-20 mart tarixlərində isə Azərbaycanın Ermənistan tərəfindən işğal olunmuş ərazilərinə səfər edib.

“Bu hal Azərbaycan tərəfinin ölkəmizin qanunlarına, ərazi bütövlüyü və suverenliyinə hörmətlə yanaşan, jurnalist etikasına və obyektivliyinə zidd olaraq Azərbaycanın işğal olunmuş ərazilərində yaradılmış qondarma rejimin birtərəfli təbliğatı ilə məşğul olmayan beynəlxalq media nümayəndələri, blogger və ya sərbəst reportyorlarla konstruktiv əməkdaşlığının növbəti nümunəsidir”, - deyə XİN sözçüsü bildirib.


23 Apr 2021
Siyasət

Türkiyə dövlət başçısından qondarma erməni soyqırımı ilə bağlı AÇIQLAMA

Bu gün Türkiyə Prezidenti Rəcəb Tayyib Ərdoğan Türkiyə Prezidenti yanında Məşvərət Şurasının toplantısında qondarma erməni soyqırımı məsələsinə toxunub.

23 Apr 2021
Siyasət

YAP-ın MSK üzvlüyünə namizədləri müəyyənləşib - SİYAHI

Milli Məclisdə çoxluq təşkil edən Yeni Azərbaycan Partiyasının Mərkəzi Seçki Komissiyası (MSK) üzvlüyünə namizədləri müəyyənləşib.

22 Apr 2021
Siyasət

Azərbaycanda iqtisadi fəallıq bərpa olunur: Nazir açıqladı - FOTO

“Qeyri-neft sektorundan daxilolmaların artması iqtisadi fəallığın bərpasının başladığını göstərir”.

22 Apr 2021
Siyasət

İlham Əliyev və Mehriban Əliyeva təməlqoyma mərasimində - YENİLƏNİB + FOTO/VİDEO

Aprelin 22-də Abşeron rayonunun Qobustan kəndinin ərazisində Palçıq Vulkanları Turizm Kompleksinin təməli qoyulub.