Fransada yaşayan Azərbaycan icmasının üzvləri Novruz bayramını adət-ənənələrimizə uyğun olaraq qeyd ediblər.
Bayram mərasimində çıxış edən ölkəmizin Fransadakı səfiri Elçin Əmirbəyov Novruz adət-ənənələrinin qədimiliyindən söz açıb, çətin tarixi dövrlərə baxmayaraq, xalqımızın bu qədim bayramın bütün incəliklərini müasir dövrümüzə qədər qoruyub saxladığını vurğulayıb. Bildirib ki, Novruz bayramının yüksək səviyyədə qeyd olunması Azərbaycan xalqının öz milli dəyərlərinə verdiyi qiymətin göstəricisidir.
Səfir qeyd edib ki, bu gün Azərbaycanda dövlət səviyyəsində bütün milli dəyərlərimizin, o cümlədən Novruz adət-ənənələrinin qorunub saxlanılmasına xüsusi diqqət göstərilir. Diplomat Azərbaycan Prezidenti İlham Əliyevin bütün dünya azərbaycanlılarını bu milli bayramımız münasibətilə təbrik etdiyini xatırladıb.
Bayram mərasimi Azərbaycandan gələn musiqiçilərin ifasında konsert proqramı ilə davam edib.
Heydər Əliyev Fondunun və IDEA (Ətraf Mühitin Mühafizəsi üzrə Beynəlxalq Dialoq) İctimai Birliyinin təşəbbüsü, Birləşmiş Millətlər Təşkilatının (BMT) Cenevrə şəhərindəki bölməsi və Azərbaycanın BMT-nin Cenevrə şəhərindəki bölməsi yanında daimi nümayəndəliyinin dəstəyi ilə təşkil edilən “Mənim dənizlərim, mənim okeanlarım” (My Seas, My Oceans) sərgisinin açılışı olub.
Azərbaycan Kinematoqrafçılar İttifaqı (AKİ) kinoşünaslar və kinoyazarlar üçün yeni sayt təsis edib.
Tofiq İbrahim oğlu Mirzəyevə “Xalq artisti” fəxri adı verilib.
