Əfqanıstan nümayəndə heyəti “Asan İmza” texnologiyası ilə tanış olub

Əfqanıstan nümayəndə heyəti “Asan İmza” texnologiyası ilə tanış olub
07 Dek 2016 16:18

Azərbaycanda səfərdə olan Əfqanıstan nümayəndə heyəti “Asan İmza” innovativ mobil gücləndirilmiş elektron imza texnologiyası ilə tanış olub.

“B.EST Solutions” şirkətindən AZƏRTAC-a bildirilib ki, Əfqanıstanın “ASAN Khedmat” qurumunun direktoru, daxili işlər nazirinin müavini və digər dövlət orqanlarının yüksək vəzifəli şəxslərindən ibarət nümayəndə heyətinin ölkəmizə səfərində məqsəd Azərbaycanda əhaliyə göstərilən müxtəlif elektron xidmətlər və qabaqcıl texnologiyalarla tanışlıq, müvafiq təcrübə mübadiləsini aparmaq olub.

Səfər çərçivəsində nümayəndə heyəti Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyində, eləcə də bir sıra digər dövlət və özəl qurumlarda müxtəlif görüşlər keçirib.

“Asan İmza” mobil elektron imza sisteminin təqdimatına həsr olunmuş tədbirdə qonaqların diqqətinə çatdırılıb ki, “Asan İmza” mobil gücləndirilmiş elektron imza xidməti dövlət və özəl qurumlarının müxtəlif elektron xidmətlərdən istifadə zamanı vətəndaşlara geniş imkanlar təqdim edən tamamilə yeni texnologiyadır. Bildirilib ki, mobil gücləndirilmiş elektron imza sistemi hazırda ölkə üzrə 500-dən çox elektron xidmətdə istifadə olunur. Ötən il “Asan İmza” texnologiyası Əfqanıstanın paytaxtı Kabildə təqdim olunub və təqdimat zamanı Azərbaycan texnologiyasına böyük maraq yaranıb.

Diqqətə çatdırılıb ki, innovativ texnologiya olan “Asan İmza” Əfqanıstanda əhaliyə gücləndirilmiş elektron imza xidmətinin təqdim edilməsində geniş şəkildə istifadə oluna bilər. Belə ki, bu texnologiya ölkədə internetin müxtəlif səviyyələrdə mümkün olduğu kənd əraziləri də daxil olmaqla müxtəlif regionlarda, istənilən növ mobil telefonlar vasitəsilə müxtəlif kompüter biliklərinə sahib olan vətəndaşlar tərəfindən istifadə edilə bilir.

İnnovativlik, yüksək təhlükəsizlik, eləcə də istifadədə asanlıq “Asan İmza” xidmətini bu texnologiyanın təqdim olunduğu digər dövlətlər üçün də cəlbedici edir. Hazırda “Asan İmza” mobil elektron imza texnologiyasının yaxın və uzaq xaricə ixracı üçün müvafiq iş aparılır.

Ötən ay ərzində “B.EST Solutions” şirkəti və ISESCO arasında Azərbaycanın mobil identitet texnologiyası bazasında bu təşkilat üçün dünyada ilk olaraq transmilli elektron imza və sənəd dövriyyəsi platformasının işlənməsi, tətbiqi ilə bağlı müqavilə imzalanıb. Hazırda “Asan İmza” “Made in Azerbaijan” brendi altında müxtəlif beynəlxalq tədbirlərdə təqdim edilir.

Təqdimat çərçivəsində, həmçinin nümayəndə heyətinin üzvləri “Asan İmza” texnologiyasının istifadə olunduğu sahələr barədə də ətraflı məlumatlandırılıb. Qeyd olunub ki, hazırda elektron vergi bəyannamələrinin təqdim edilməsi, əmək müqavilələrinin elektron qeydiyyatı, müxtəlif məhsulların və nəqliyyat vasitələrinin gömrükdə bəyan edilməsi, ali təhsil müəssisələrinə tələbələrin onlayn qeydiyyatının aparılması, internet və mobil bankçılıq kimi müxtəlif xidmətlər “Asan İmza” vasitəsilə reallaşdırılır. “Asan İmza” müxtəlif dövlət və özəl qurumların telefon-məlumat mərkəzlərinə inteqrasiya olunub.

Qonaqlar Azərbaycanın mobil identitet və imza texnologiyasını yüksək qiymətləndirərək elektron xidmətlər və innovativ həllər sahəsində iki ölkə arasında əməkdaşlığın əhəmiyyətini vurğulayıblar.


2 Dek 2020
İqtisadiyyat

Qeyri-neft sektoru üzrə özəl şirkətlərin ixrac reytinqi AÇIQLANDI - FOTO

Bu ilin yanvar-oktyabr aylarında qeyri-neft sektoru üzrə özəl subyektlər 442,7 milyon dollarlıq ixrac həyata keçirib.

2 Dek 2020
İqtisadiyyat

Dövlət Neft Fondu gəlirlərini açıqlayıb

Azərbaycan Respublikası Dövlət Neft Fondu 2020-ci ilin yanvar-noyabr ayları ərzində Azəri-Çıraq-Günəşli və Şahdəniz üzrə ümumi 3 milyard 612 milyon ABŞ dolları həcmində gəlir əldə edib.

2 Dek 2020
İqtisadiyyat

Dünya bazarlarında təbii qaz yenidən ucuzlaşıb

Nyu-Yorkun NYMEX əmtəə birjasında təbii qaza olan fyuçers kotirovkalarının qiyməti azalıb.

2 Dek 2020
İqtisadiyyat

Azərbaycanda turizm sektorunda çalışanlar üçün təlimlər keçiriləcək

Azərbaycan Turizm Bürosunun nəzdində olan Turizm Təlim və Sertifikasiya Mərkəzi 2021-ci ilin ilk yarısı üçün təlim proqramını elan edib.