Azərbaycanın Efiopiyadakı səfirliyi Əddis-Əbəbə şəhərində hər il ənənəvi olaraq keçirilən xeyriyyə bazarında iştirak edib.
Həcminə və ziyarətçi sayına görə dünyada təşkil olunan ən böyük xeyriyyə bazarlardan biri hesab edilən Əddis-Əbəbə xeyriyyə bazarı artıq 21 ildir təşkil olunur. On mindən artıq ziyarətçisi olan bu tədbirə bu il də 100-ə yaxın diplomatik nümayəndəlik və Afrikada fəaliyyət göstərən müxtəlif şirkətlər qatılıblar. Xeyriyyə bazarı BMT-nin Əddis-Əbəbədəki mənzil qərargahında keçirilib.
Böyük sayda ziyarətçinin diqqətini cəlb edən Azərbaycan stendinin tərtibatında ölkəmizin qədim tarixi abidələrini, müasir infrastrukturunu, turizm potensialını özündə əks etdirən fotoşəkillər, milli suvenirlər, xalçalar, mədəniyyətimiz və tolerantlığımız haqqında müxtəlif materiallardan istifadə olunub.
Xeyriyyə bazarda Azərbaycan şirkətlərinin istehsalı olan müxtəlif meyvə şirələri, şərablar, bitki yağları, qənnadı məhsulları, müxtəlif çeşidli mürəbbələr, çay növləri və Azərbaycan mətbəxinin ləziz təamları olan dolma, paxlava, Qarabağ kətəsi, Şamaxı mütəkkəsi xeyriyyə bazarı ziyarətçilərinin xüsusi marağına səbəb olub.
Azərbaycan stendi ziyarətçilərlə yanaşı, media nümayəndələrinin də diqqətini cəlb edib.
İyulun 17-də Azərbaycan Respublikasının Prezidenti İlham Əliyev və Türkmənistan Xalq Məsləhətinin sədri Qurbanqulu Berdiməhəmmədov Cıdır düzündə olublar.
Azərbaycan Respublikasının Prezidenti İlham Əliyev və Türkmənistan Xalq Məsləhətinin sədri Qurbanqulu Berdiməhəmmədov iyulun 17-də Şuşada Mehmandarovların malikanə kompleksində olublar.
Azərbaycan Respublikası elm və təhsil naziri Emin Əmrullayev ümumi təhsil müəssisələrinin 2024-2025-ci tədris ili üzrə məzunlarının qızıl və gümüş nişanla təltifi haqqında əmr imzalayıb.
