Dollar qıtlığı xaricə gedənlərin sayını azaldıb – EKSPERT

Dollar qıtlığı xaricə gedənlərin sayını azaldıb – EKSPERT
09 2017 12:07

İnsanlar hər dəfə Yeni ili fərqli şəkildə qeyd etmək istəyir. Bu il daha çox nəzərə çarpan fərqlərdən biri isə Yeni ilin xarici ölkələrdə qeyd edilməsidir. Amma ekspertlər iddia edirlər ki, ötən illərə nisbətən bu il bayramı xaricdə qeyd edənlər azdır.

“Qafqaz travel”in direktoru Kəmalə Quliyeva bildirib ki, bu il Azərbaycandan Dubaya və Avropa ölkələrinə üz tutan turistlərin sayı azalıb:

“Qiymətlər qalxıb, biletlər bahalaşıb. Ölkədən gedən və ölkəyə gələn turistlərin sayı azdır. Yerli turistlər isə daha çox Dubay və ərəb dövlətlərinə gedirlər”. K.Quliyevanın sözlərinə görə, Türkiyədə baş verən terror hadisələri səbəbindən oraya üz tutan azərbaycanlı turistlərin sayı xüsusilə azalıb.

“Türkiyə ilə maraqlananlar olsa da, bayram ərəfəsində bizim vasitəmizlə oraya gedənlər olmayıb”,- deyə o bildirib. İqtisadçı-ekspert Əli Əlirzayevin sözlərinə görə isə, bu il Azərbaycana gələnlərin sayı gedənlərin sayından çoxdur:

“Bayramla əlaqədar olaraq Rusiyadan, ərəb ölkələrindən, Türkiyə və İrandan bura gələnlər çoxdur. Ona görə də, belə getsə, turizm daha da inkişaf edəcək”.

Ekspert bildirib ki, Azərbaycanda daxili turizm xarici turizmdən daha çox inkişaf edib:

“Yerli əhali Azərbaycanın daxilinə daha çox üstünlük verir. Xarici ölkələrə səfər edənlərin əksəriyyəti isə müalicə üçün gedənlərdir. Bayram ərəfəsində əhalinin əksər hissəsi rayonlara və qış istirahət mərkəzlərinə üz tutublar”.

Ə.Əlirzayev bildirib ki, bu il xarici turizmin zəifləməsinin əsas səbəbi xaricə getmək üçün lazım olan valyutanın tapılmamasıdır. Manatın dəyərdən düşməsi isə bu sahəyə daha pis təsir edir.

Dövlət Miqrasiya Xidməti yanında İctimai Şuranın sədri Azər Allahverənovun sözlərinə görə isə, azərbaycanlılar Yeni ili keçirmək üçün daha çox Gürcüstan, Rusiya, Türkiyə və Çexiyaya üz tutublar. Turistlərin müəyyən bir hissəsi isə Almaniyaya gedib.

“Ölkələr üzrə gedən turistlərin sayında müəyyən azalmalar olub. Məsələn, 2015-ci ildə Türkiyəyə daha çox insan gedirdi. Terror və digər hadisələr səbəbindən indi oraya gedənlərin sayı azdır. Avropa İttifaqı ölkələrinə də nisbətən az insanın getdiyi müşahidə olunur. Buna isə valyuta məzənnəsi təsir göstərib”, - deyə o bildirib.

A.Allahverənov əlavə edib ki, Gürcüstana üz tutan turistlərin sayında artım müşahidə olunub:

“Gürcüstana Yeni il bayramını qeyd etmək üçün gedənlərin sayı hər il artır. Bu, Gürcüstanın Azərbaycana daha yaxın olması və qiymətlərin nisbətən ucuz olması ilə bağlıdır”.


13 Apr 2021
Turizm

İtaliya sərhədlərini turistlərə açacağı tarixi və şərtləri açıqladı

İtaliya bu yay sərhədlərini turistlərə üç şərtdən birinə əsasən açacaq.

30 Mar 2021
Turizm

“Buta Airways” İstanbul və İzmir şəhərlərinə yerinə yetirilən reyslərin sayını artırır

Aprel ayından etibarən “Buta Airways” aşağıbüdcəli aviaşirkəti Bakıdan İstanbul və İzmir şəhərlərinə yerinə yetirdiyi xüsusi reyslərin sayını tədricən artırmağı planlaşdırır. 

4 Mar 2021
Turizm

Azərbaycanda Dağıstan həftəsi keçiriləcək - FOTO

Azərbaycanda onlayn rejimdə Dağıstan həftəsi keçiriləcək. Tədbir Dağıstan İxraca Dəstək Mərkəzinin rəhbəri Ruslan Abasquliyevin “Rossotrudnichestvo”nun (MDB işləri, xaricdə yaşayan həmvətənlər və beynəlxalq humanitar əməkdaşlıq üzrə Federal Agentlik) Azərbaycandakı nümayəndəliyi ilə apardığı danışıqlar sayəsində mümkün olub.

25 Fev 2021
Turizm

Pakistan Beynəlxalq Hava Yolları Azərbaycana birbaşa uçuşların açıldığını elan edib

Pakistan Beynəlxalq Hava Yolları (PİA) Azərbaycana birbaşa uçuşların açılması barədə xəbər verib.

4 Fev 2021
Turizm

Azərbaycana hansı vətəndaşlar gələ bilər? - AZAL aydınlıq gətirdi

“Azərbaycan Hava Yolları” QSC Azərbaycana hansı vətəndaşların gələ biləcəyi ilə bağlı məlumat yayıb.