Dərman vasitələrinin qiymətlərinin tənzimlənməsində dəyişiklik edilib

Dərman vasitələrinin qiymətlərinin tənzimlənməsində dəyişiklik edilib
22 Dek 2016 14:55

Nazirlər Kabinetinin 2015-ci il 3 iyun tarixli qərarı təsdiq edilmiş “Dövlət qeydiyyatına alınmış dərman vasitələrinin qiymətlərinin tənzimlənməsi və həmin qiymətlərə nəzarətin həyata keçirilməsi Qaydası"nın 3.1 bəndinin ikinci cümləsində “qiymət bəyannaməsi verilən tarixə ABŞ dollarının Azərbaycan Respublikası Mərkəzi Bankının rəsmi internet saytındakı məzənnəsi” sözləri “Şura tərəfindən istinad üçün müəyyən edilən tarixə milli valyutanın ABŞ dollarına olan rəsmi məzənnəsi, Azərbaycan Respublikasının Mərkəzi Bankı tərəfindən təsbit edilən satiş məzənnəsi üçün yuxarı hədd” sözləri ilə əvəz edilib.

AZƏRTAC xəbər verir ki, bu, Nazirlər Kabinetinin 2015-ci il 3 iyun tarixli qərarı təsdiq edilmiş “Dövlət qeydiyyatına alınmış dərman vasitələrinin qiymətlərinin tənzimlənməsi və həmin qiymətlərə nəzarətin həyata keçirilməsi Qaydası”nda dəyişiklik edilməsi haqqında Nazirlər Kabinetinin 2016-cı il 20 dekabr tarixli qərarında əks olunub.

Nazirlər Kabinetinin yeni qərarına görə, “Dövlət qeydiyyatına alınmış dərman vasitələrinin qiymətlərinin tənzimlənməsi və həmin qiymətlərə nəzarətin həyata keçirilməsi Qaydası"nın 3.5-ci bəndinə “Vergi ödəyicisinin sadələşdirilimiş vergi ödəyicisi və ya ƏDV ödəyicisi olmasından asılı olmayaraq, dərman vasitələrinin topdan və pərakəndə satışı həmin qiymətlərlə həyat keçirilir” cümləsi əlavə edilib. Bundan başqa, 5.5-ci bənddən “və bu hal 2 (iki) aydan artıq müddətdə davam etdikdə” sözləri çıxarılıb, eyni zamanda, 5.8-ci bəndə “zamanı” sözündən sonra “, habelə dövlət büdcəsindən maliyyələşdirilməyən tibb müəssisələri tərəfindən dərman vasitələri satın alınarkən” sözləri əlavə edilib.

Digər bir dəyişiklik isə 7.2-ci bəndə əlavə edilən qeyddir. Qeyddə bildirilir ki, bu Qaydada dəyişikliklər Azərbaycan Respublikası Prezidentinin 2002-ci il 24 avqust tarixli 772 nömrəli Fərmanı təsdiq edilmiş “İcra hakimiyyəti orqanlarının normativ hüquqi aktlarının hazırlanması və qəbulu qaydası haqqında Əsasnaməsi”nin 2.6-1-ci bəndinə uyğun edilə bilər.


5 Avq 2022
Cəmiyyət

Zəngilanda “ASAN xidmət” fəaliyyətə başlayıb - FOTO

Zəngilan rayonunun Ağalı kəndində Dövlət Xidmətləri Mərkəzi fəaliyyətə başlayıb.

5 Avq 2022
Cəmiyyət

“Bizim həyət” layihəsi çərçivəsində yenilənən növbəti həyət sakinlərin istifadəsinə verildi - FOTO

Avqustun 4-də Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü ilə həyata keçirilən “Bizim həyət” layihəsi çərçivəsində yenilənən növbəti həyət sakinlərin istifadəsinə verilib.

5 Avq 2022
Cəmiyyət

Məktəbəhazırlıq qruplarına qeydiyyat başlayıb

2022-2023-cü tədris ili üzrə dövlət ümumi təhsil müəssisələrində təşkil edilmiş məktəbəhazırlıq qruplarına ərizələrin onlayn qeydiyyatı prosesinə start verilib.

5 Avq 2022
Cəmiyyət

Leykozla mübarizə aparan Ülvinin dərmanlarını almağa pul tapmadığı üçün ayaqları tutulub - FOTO

2014-cü il təvəllüdlü İsmayılov Ülvi Araz oğlu kəskin limfoblast leykozdan (qan xərçəngi) əziyyət çəkir.