Rusiyanın Türkiyədəki səfirinin qətlə yetirilməsi ilk növbədə qardaş ölkənin nüfuzuna məqsədli şəkildə vurulan zərbədir”. Trend-in məlumatına görə, bunu Milli Məclisin deputatı Sahib Alıyev deyib.
S.Alıyev bildirib ki, terrorçunun kimliyi bəllidir:
“Bu terrorun Türkiyə, Rusiya və İranın xarici işlər və müdafiə nazirlərinin Moskva görüşünə bir gün qalmış törədilməsi özlüyündə hər şeyi açıq-aydın göstərir. Üç dövlət Suriya məsələsində razılığa gəlmək və ümumiyyətlə, regionda yeni bir əməkdaşlıq modeli qurmaq üçün intensiv danışıqlar aparırlar. Son zamanlar bir-birinin ardınca törədilən terror aktlarıyla sanki biriləri Türkiyəyə xəbərdarlıq edir ki, bu plan, özəlliklə də Rusiya ilə sıx əməkdaşlıq ona baha başa gələcək”.
S.Alıyevin sözlərinə görə, iki ölkə rəsmilərinin verdiyi açıqlamalardan görünür ki, həm rəsmi Moskva, həm də Ankara Rusiyanın Türkiyədəki səfirinin qətlə yetirilməsinin arxasında hansı qüvvənin dayandığını yaxşı anlayırlar və bu olay ötən ilin noyabrındakı məlum insidentdən fərqli olaraq, iki ölkə arasındakı münasibətləri daha da yaxınlaşdıracaq.
Qeyd edək ki, Rusiyanın Türkiyədəki səfiri Andrey Karlov ötən gün Ankarada Müasir Sənət Mərkəzində rəsm sərgisinin açılışında çıxış edərkən silahlı hücuma məruz qalaraq öldürülüb.
“Bu gün Ermənistan silahlı qüvvələri Azərbaycanın Bərdə şəhərini “Smerç” yaylım atəşli reaktiv sistemdən raket atəşinə tutub və bu hücum mülki əhali arasında ağır itkilərə səbəb olub. Bərdə şəhərinə xaincəsinə edilən raket hücumu nəticəsində uşaqlar da daxil olmaqla, 21 mülki şəxs həlak olub və 70-dən çox insan ağır yaralanıb”.
Prezident İlham Əliyev işğaldan azad olunmuş yeni ərazilərin adlarını açıqlayıb.
Prezident İlham Əliyev erməni terroru nəticəsində Bərdədə dünyasını dəyişən vətəndaşların ailələrinə başsağlığı verib.
