İyirmi beş il ərzində Azərbaycan regionda ABŞ-ın güclü tərəfdaşına çevrilib. Dünya ictimaiyyətinə Azərbaycan kimi ölkələr lazımdır. Azərbaycan sülhpərvər, təhlükəsiz, daim inkişaf edən və strateji əhəmiyyəti olan bir ölkədir.
AZƏRTAC xəbər verir ki, bu fikirləri ABŞ-ın nəqliyyat komandanı general Darren MakDyu dekabrın 17-də Bakıda keçirdiyi brifinqdə bildirib.
Azərbaycanda ilk dəfə olduğunu vurğulayan general deyib ki, səfər zamanı keçirdiyi yüksək səviyyəli görüşlərdə iki ölkə arasında uzunmüddətli əməkdaşlıq məsələləri müzakirə edilib. O, ölkəmizdə gördüyü qonaqpərvərliyə görə təşəkkürünü bildirib.
Ölkəmizdə nəqliyyat sisteminin inkişaf etdirilməsi istiqamətində görülən işləri yüksək qiymətləndirən Darren MakDyu bu işlərin həm Azərbaycan, həm də bütün dünya iqtisadiyyatı üçün əhəmiyyətini vurğulayıb.
“Əfqanıstana səfərim çərçivəsində bu ölkədəki sülhməramlı əməliyyatların rəhbəri ilə görüşüm zamanı o, mənə Azərbaycanın bu əməliyyatlarda müstəsna rol oynadığını dedi. O, məndən xahiş etdi ki, Əfqanıstanda sülhyaratma əməliyyatlarına verdiyi töhfələrə görə Azərbaycan rəhbərliyinə minnətdarlıq edim. Düşünürəm ki, məhz Azərbaycanın bu rolu sayəsində həm regionda, həm də dünyanın müxtəlif dövlətlərində təhlükəsizlik və sabitlik qorunacaq”, - deyə Darren MakDyu vurğulayıb.
ABŞ və Azərbaycanın təhlükəsizlik sahəsində çox faydalı əməkdaşlığa qoşulduğunu bildirən amerikalı general deyib: “Azərbaycan kimi 25 ildir müstəqil olan ölkə ilə tərəfdaşlıq etmək həqiqətən də bizim üçün xoşdur”.
Azərbaycanın xarici işlər naziri Ceyhun Bayrampv Çanaqqala Zəfərinin 110-cu ildönümü ilə bağlı paylaşım edib.
Baş nazir Əli Əsədovun sədrliyi ilə ölkə ərazisində qəzalı vəziyyətə düşmüş çoxmənzilli yaşayış binaları ilə bağlı verilmiş tapşırıqların icra vəziyyəti, görüləcək işlər və digər əlaqəli məsələlərə dair iclas keçirilib.
Bu ilin yanvar-fevral aylarında Azərbaycana 162 ölkədən 338,6 min və yaxud ötən ilin eyni dövrü ilə müqayisədə 0,7 % az əcnəbi və vətəndaşlığı olmayan şəxs gəlib.
