9-cu sinif üzrə buraxılış imtahanlarının ilk mərhələsinin nəticələri bir aydan sonra həmin şagirdin şəxsi səhifəsinə yerləşdiriləcək. Burada hətta ekspertlərin rəyləri olacaq.
Trend-in məlumatına görə, bunu Dövlət İmtahan Mərkəzinin Direktorlar Şurasının sədri Məleykə Abbaszadə Nazirlər Kabineti tərəfindən yeni təsdiqlənən “Ümumi təhsil pilləsində təhsilalanların yekun qiymətləndirilməsinin (attestasiyasının) aparılması qaydaları”na həsr olunmuş konfransda deyib.
M.Abbaszadə bildirib ki, yeni qaydalara görə, imtahan nəticələri yalnız balla yazılacaq:
"Orada şagirdin imtahanda "mənfi" ya "müsbət", "yaxşı" ya "pis" nəticə toplaması yazılmayacaq. İmtahanda hansı nəticə toplamasından asılı olmayaraq, şagird attestat alacaq".
M.Abbaszadə qeyd edib ki, imtahanın nəticələrinə əsasən, şagirdlər orta ixtisas təhsili müəssisələrinə sənəd verə biləcəklər.
Onun sözlərinə görə, buraxılış imtahanının nəticələrinə görə, 1 və 2-ci mərhələdə toplanılan ümumi bal 100 olacaq: "İlk dəfə olduğuna görə hələlik elə bir məhdudiyyət qoymamışıq ki, 1-ci mərhələdə 0 bal toplayan 2-ci mərhələdə iştirak etməsin və yaxud da kolleclərə sənəd verməsin. Şagird 1-ci mərhələdə açıq tapşırıqlara verdiyi cavabla 30, 2-ci mərhələdə ənənəvi qapalı testlərlə 70 bal toplaya bilər. İyunda tədris ili bitdikdən sonra buraxılış imtahanının 2-ci mərhələsi keçiriləcək. İmtahan bitdikdən 2 gün sonra nəticələr açıqlanacaq. Bundan sonra müəyyən olunacaq ki, biz hansı balla şagirdlərin kolleclərə sənəd verməsinə icazə verə bilərik. Amma hətta ola bilsin ki, yaxın bir ay ərzində də bu barədə açıqlama verək. Qaydalar hələ müzakirə olunur".
COP29-un müəyyən edilmiş prezidenti, ekologiya və təbii sərvətlər naziri Muxtar Babayev Bakıda keçirilən BMT-nin İqlim Dəyişmələri üzrə Tərəflərin İlkin Konfransı (Pre-COP29) çərçivəsində Fransanın energetika naziri Olqa Jiverne ilə görüşüb.
Azərbaycanın bərpa olunan yerüstü şirin su ehtiyatları 2000-2023-cü illər ərzində 5,6 milyard kubmetr və ya 24 % azalaraq 17,8 milyard kubmetrə düşüb.
