Buraxılış imtahanlarında iştirak etməyən şagirdlərin nəzərinə!

Buraxılış imtahanlarında iştirak etməyən şagirdlərin nəzərinə!
17 2017 13:10

Bu il üzrlü səbəbdən ümumtəhsil müəssisələrinin ümumi orta təhsil (9 illik) səviyyəsi üzrə imtahanlarda iştirak etməyən və ya eksternat qaydasında yekun qiymətləndirmədə (attestasiyada) iştirak edən şəxslər, eləcə də 9 illik bazadan orta ixtisas təhsili müəssisələrinə qəbul olmaq istəyən əvvəlki illərin məzunları üçün imtahanlar aprel ayında keçiriləcək.

Trend-in məlumatına görə, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə bu gün keçirdiyi mətbuat konfansında deyib.

Dövlət İmtahan Mərkəzinin mart ayı ərzində ümumtəhsil müəssisələrinin ümumi orta təhsil (9 illik) səviyyəsi üzrə təhsil alanlar üçün buraxılış imtahanının birinci mərhələsini keçirdiyini xatırladan M.Abbaszadə qeyd edib ki, I mərhələdə şagirdlərin oxuyub-anlama, yazı və riyazi bacarıqlarını yoxlamaq məqsədilə açıq (cavablar şagird tərəfindən müəyyənləşdirilib yazı ilə ifadə olunur) tipli tapşırıqlardan, yazı işlərindən istifadə olunur. Bu formada açıq tipli tapşırıqlar ilk dəfə tədbiq olunur və yazı işləri (imtahan cavabları) Dövlət İmtahan Mərkəzi və onun regional bölmələrində müvafiq təhlükəsizlik tələblərinə cavab verən ekspertiza (yoxlama) zallarında, qapalı şəraitdə, kompüter arxasında markerlər tərəfindən yoxlanılacaq.

M.Abbaszadə deyib ki, DİM ümumi orta təhsil bazasında buraxılış imtahanlarının keçirilməsi, materialların emalı və yazı işlərinin yoxlanmasına ictimai nəzarətin təşkili, prosesin şəffaflığının təmin edilməsi məqsədilə İctimai Şura yaradır. İctimai Şuranın üzvləri DİM-in Direktor Şurası tərəfindən formlaşdırılacaq:

"Proseslərə cəlb olunmazdan əvvəl Şura üzvlərinə təlimlər keçiriləcək, hüquq və vəzifələri izah ediləcək. Şuraya üzv olmaq üçün vətəndaş cəmiyyəti institutları, qeyri-hökumət təşkilatları, valideyn-müəllim assosiasiyaları, təhsil eksperləri, KİV nümayəndələri anket formasını yükləyərək doldurub press@tqdk.gov.az ünvanına göndərməklə qeydiyyatdan keçə bilər. Şuradakı fəaliyyətinə görə üzvlərə əməkhaqqı, qonorar və başqa ödəniş verilmir".


26 Fev 2021
Cəmiyyət

Türkiyə gəncləri “Xocalıya ədalət” tələb edir - FOTO

Xocalı soyqırımının 29-cu ildönümü ilə əlaqədar Azərbaycan Respublikasının Gənclər Fondu və Türkiyə Gənclər Fondu (TUGVA) tərəfindən İstanbul şəhərində silsilə tədbirlər təşkil olunub.

26 Fev 2021
Cəmiyyət

“Qarabağ”ın vitse-prezidenti: “Artıq abad Qarabağa tezliklə getmək haqda düşünürük”

“Qarabağ”ın vitse-prezidenti Tahir Gözəl Xocalı soyqırımı ilə bağlı fikirlərini bölüşüb.

26 Fev 2021
Cəmiyyət

Finlandiyada Xocalı soyqırımı ilə bağlı elektron lövhə quraşdırılıb - FOTO

Finlandiyanın paytaxtı Helsinki şəhərinin mərkəzində dəmiryolu vağzalında və metro stansiyasında “Xocalıya ədalət!” şüarı yazılmış rəqəmsal lövhələr quraşdırılıb.

26 Fev 2021
Cəmiyyət

Azərbaycan könüllüləri Xocalı soyqırımının ildönümü ilə bağlı bəyanat veriblər

Xocalı soyqırımının 29-cu ildönümü ilə əlaqədar Azərbaycan Könüllü Təşkilatları İttifaqı bəyanat yayıb.