Bu gecə cari ildə sonuncu dəfə Ayın superbədirlənməsi hadisəsi müşahidə olunacaq

Bu gecə cari ildə sonuncu dəfə Ayın superbədirlənməsi hadisəsi müşahidə olunacaq
13 Dek 2016 16:09

2016-cı il dekabrın 13-dən 14-nə keçən gecə cari ildə üçüncü və sonuncu dəfə Ayın superbədirlənməsi hadisəsini müşahidə etmək mümkün olacaq. Bu zaman Ay o qədər parlaq olacaq ki, həmin dövrdə Yerə doğru hərəkət edən Heminid meteor axını “kölgədə qalacaq”.

AZƏRTAC TASS agentliyinə istinadla xəbər verir ki, bu məlumat ABŞ Milli Kosmik Tədqiqatlar İdarəsinin (NASA) saytında dərc edilib.

NASA-nın məlumatında deyilir: “Dekabrın 14-də Ayın superbədirlənməsi bir sıra səbəblərə görə əlamətdardır: o, Heminid meteor axınını görünməz edəcək. Parlaq Ay meteorların görünmə dərəcəsini 5-10 dəfə azaldacaq, adətən fantastik təsir bağışlayan Heminidlərin görkəmi ikinci dərəcəli astronomik hadisələr sırasına keçəcək. Meteor axınının pik dövründə bu hadisəni müşahidə edənlər bir saat ərzində 12 Heminid görə biləcəklər”.

Ayın superbədirlənməsi hadisəsi onunla əlaqədardır ki, bədirlənmiş Ay elliptik orbit boyunca hərəkət edərək Yerə maksimum yaxınlaşır. Yerdəki müşahidəçi üçün Ay bizim planetdən maksimal məsafədə göründüyü ilə müqayisədə 14 faiz böyük ölçülü və 30 faiz parlaq cisim kimi təsir bağışlayacaq.

Heminidlər çox güclü meteor axınıdır. Astronomlar bu ulduz axınını hər il noyabrın axırlarında – dekabrın əvvəlində qeydə alırlar.

Onu da qeyd edək ki, 2016-cı ildə Yer sakinləri Ayın superbədirlənməsi hadisəsini iki dəfə - oktyabrın 16-da və noyabrın 14-də müşahidə ediblər. 2017-ci ildə isə oxşar hadisə yalnız bir dəfə - dekabrın 3-də gözlənilir.


2 İyul 2022
Cəmiyyət

Polis Günü Şuşada qeyd edilib - FOTO

2 iyul - Polis Günü münasibəti ilə Şuşa şəhərində tədbir keçirilib.

2 İyul 2022
Cəmiyyət

Bazar günü 32 dərəcə isti və yağış gözlənilir - PROQNOZ

Azərbaycan ərazisində iyulun 3-də gözlənilən hava şəraiti haqda proqnoz açıqlanıb.

2 İyul 2022
Cəmiyyət

Səbail rayonunda Polis işçilərinin peşə bayramı qeyd edildi - FOTO

Səbail rayonunda Polis işçilərinin peşə bayramı gününə həsr olunmuş tədbir keçirilib.

2 İyul 2022
Cəmiyyət

Bu gün Azərbaycandan zəvvarların sonuncu qrupu Həcc ziyarətinə yola düşür

Bu gün Azərbaycandan zəvvarların sonuncu qrupu Həcc ziyarətinə yola düşür.

2 İyul 2022
Cəmiyyət

Bakıda bu yollarda sıxlıq var - SİYAHI

Daxili İşlər Nazirliyinin İntellektual İdarəetmə Mərkəzi Bakıda sıxlıq yaranan avtomobil yollarını açıqlayıb.